विश्वकप २०१८

नेवाः भासं शपथ ग्रहण याइगु

येँ – ‘जि राजेन्द्र प्रसाद श्रेष्ठ देय् व जनताप्रति वफादार जुसें सत्यनिष्ठापूर्वक पाफयेके कि नेपाःया सार्वभौमसत्ता व राजकीय सत्ता नेपाली जनताय् दुगु
नेपाःया संविधानप्रति पूर्ण वफादार जुसें प्रतिनिधि सभाया सदस्य पदया ज्याखँ प्रचलित कानूनया अधीनय् च्वनाः देय् व जनताया भिं तायेकाः सुंपाखें मग्यासे, पनपक्ष मयासे, प्रर्वाग्रह व मभिंगु भावना मकासे पदीय दुविस्ता कायम यानाः इमान्दारी साथ ज्या याये ।’संघीय समाजवादी फोरमया सह– अध्यक्ष लिसें समानुपातिक सांसद राजेन्द्र श्रेष्ठं आः सांसद पदया शपथ ग्रहण नेपालभाषां यायेगु लागिं तयार यानादीगु व्यहोरा खः थ्व ।

सांसदतय्सं थःथःगु मांभासं शपथ ग्रहण याये दइगु व्यवस्था यानातः कथं वय्कलं नेपालभाषां शपथ ग्रहण यायेत थ्व व्यहोरा तयार यानादीगु खः ।
प्रतिनिधि सभाया सांसदतय्त थ्वहे फागुन २० गते शपथ ग्रहण याकीगु ग्वसाः दु । सभामुख मल्यःनिगु जुयाः आःयात प्रतिनिधि सभाया दकलय् ज्याथम्ह दुजलं शपथ ग्रहण याकादी । थुकी प्रधानमन्त्री खड्ग ओली लगायत मेपिं मन्त्रीतय्सं थःथःगु पदया शपथ ग्रहण यानादीधुंकूसां सांसदया पदया नं शपथ ग्रहण यानादी । थ्व धुंकाः तिनि सरकारं विश्वासया मत काइ ।

सम्बन्धित बुखँ

LEAVE YOUR COMMENTS