विश्वकप २०१८

थौं श्रीदेवीया अन्तिम संस्कार

बलिउड अभिनेत्री श्रीदेवया अन्तिम संस्कार थौं न्हिनय् याइगु जूगु दु । वयागु सीम्ह म्हिगः तिनि दुबई पाखें मुम्बइ हःगु खः । दुबइलय् वयागु मृत्युयात कयाः छानविन यानाच्वंगु दुबई सरकारया अभियोजन विभागं सीम्ह यंकेत स्वीकृत बिइवं मंगलवाः चान्हय् वयागु सीम्ह मुम्बइ थ्यंकःहःगु खः ।

वयागु सीम्हयात दुबइलं छगः विमानय् तयाहःगु खः । सीम्ह लिसें वया भाःत बानी कपुर, किजाभतः संजय कपूर, न्ह्यसकाय अर्जुन कपुरपिं वःगु खः । मुम्बइलय् अनिल कपुर, सोनम कपुरया लिसें भारतया अर्बपति मुकेश अंबानीपिं एयरपोर्ट वनाः सीम्ह काःवंगु खः ।

फ्यानतय्त श्रद्धाञ्जली बिकेगु निंतिं श्रीदेवीया सीम्ह थौं न्हिनय् १ बजे तक दर्शनया निंतिं तयातःगु खःसा २ बजे पाखे सिथं यंकाः ४ बजे पाखे अन्तिम संस्कार याइगु खँ धाःगु दु ।

दुबइलय् छगू भ्वजय् वंम्ह श्रीदेवी वंगु शनिवाः अनया छगू होटलय् बाथटबय् डुबे जुयाः सीगु खः । दुघर्टनाय् सीगु कारणं दुबइ प्रहरीं अनुसन्धान लिपा मंगलवाः बहनी जक सीम्ह मुम्बइ छ्वयेत स्वीकृति बिउगु खः ।

सम्बन्धित बुखँ

LEAVE YOUR COMMENTS