विश्वकप २०१८

तिस्तुङय् हलिं नेवाः गुथिया तःमुँज्या

येँ – हलिं नेवाः गुथिया गुक्वःगु तःमुँज्यां वंगु शुक्रवाः मकवानपुरया तिस्तुङय् जुल । गुथिया तिस्तुङ कचाया ग्वसालय् उगु तःमुँज्या जूगु खः ।
गुथिया नायः शान्तप्रकाश श्रेष्ठया सभापतित्वय् जूगु तःमुँज्याया उलेज्या थाहा नगरपालिकाया उपप्रमुख खड्गमान गोपालीं सुकुन्दाय् मत च्याकाः यानादीगु खः । तःमुँज्याया उलेज्या न्ह्यः छगू सांस्कृतिक ¥यालीं तिस्तुङ बजाः चाःहिउगु खः । स्थानीय वज्रवाराही शुरु जूगु सांस्कृतिक ¥याली सरस्वति बजारय् थ्यंकाः क्वचाःगु खः ।तःमुँज्याय् गुथिया न्यय्छगू कचा व थीथी कवःया प्रतिनिधिपिनिगु सहभागिता दुगु खः ।

तःमुँज्याया उलेज्या यासें उपप्रमुख गोपालीं सकलें नेवाःत छप्पँ छधी जुयाः न्ह्याः वनेमाःगु खँय् बः बियादिसें गुथिया ज्याय् फूचाःकथंया ग्वाहालि यायेगु बचं बियादिल । गुथिया नायःलिसें ज्याझ्वःया सभापति श्रेष्ठं गुथि न्यायेकेगु व भ्वय् नयेगु बानीं नेवाःत स्यन धइगु खँ गलत जूगु धासें गुथि व भ्वजं नेवाःतय्त छप्पँ यायेत तिबः बियाच्वंगु विचाः तयादिल । उलेज्या लिपा बन्द सत्रय् गुथिया मूछ्यांजे रिजु श्रेष्ठं प्रगति प्रतिवेदन न्ह्यब्वयादीगु खःसा दांभरिं परशुराम श्रेष्ठं आर्थिक प्रतिवेदन न्ह्यब्वयादीगु खः । गुथिया तिस्तुङ कचाया नायः विनोद महर्जनं लसकुस यानादीगु ज्याझ्वलय् नेवाः गुथि तिस्तुङया नायः हरिगोपाल श्रेष्ठं सुभाय् देछानादीगु खः ।

सम्बन्धित बुखँ

LEAVE YOUR COMMENTS