विश्वकप २०१८

ललितकला सम्मान व पुरस्कार लःल्हात

येँ – ललितकलाया क्षेत्रय् कलम न्ह्याका वयाच्वंपिं नारायणबहादुर सिंह सम्मान व पुरस्कार लःल्हाःगु दु । नेपाल ललितकला पत्रकार समाज (सोफाजं) नेपाःया पत्रकारिता ख्यलय् कला पत्रकारिता, कला लेखन व कला समीक्षलिसें नेपाःया ललितकलाया क्षेत्रय् अग्रज व्यक्तित्वकथं म्हसिउम्ह सिंहया नामं उगु पुरस्कार स्थापना यानातःगु खः ।

नेपाःया ललितकला पत्रकारिता क्षेत्रय् ताःई न्ह्यवंनिसें कलम चले याना वयाच्वंपिंत बीगु उगु सिरपाः थुगुसी सोफाज–नेपाल वरिष्ठ पत्रकारिता सम्मान अग्रज कलाकार, च्वमि नापं पत्रकार गेहेन्द्रमान अमात्ययात, नारायणबहादुर सिंह ललितकला पत्रकारिता पुरस्कार–२०७४ शिवा तामाङ (गोरखापत्र) व तिमोथी अर्याल (दि काठमान्डु पोष्ट) व सोफाज लक्ष्मीमाया कुमाले स्मृति ललितकला पत्रकारिता पुरस्कार रोहित राई (नागरिक÷रिपब्लिका) धरानयात लःल्हाःगु खः ।

सम्मानित व पुरस्कृत व्यक्तित्वपिंत ज्याझ्वःया मूपाहां वरिष्ठ कलाकार कालु कुम्हालं म्हतिं ११,१११÷– दां व हनापौ लःल्हानादीगु खः । थुगुसीया पुरस्कृत व्यक्तित्वया नां ल्ययेगु निंतिं पत्रकार फुलमान बलया संयोजकत्वय् विनिता मरहठ्ठा व संगीत श्रेष्ठ सदस्य दुगु छनौट समितिं पुरस्कृति पत्रकारया नां छनौट याःगु खः ।

सम्बन्धित बुखँ

LEAVE YOUR COMMENTS