नगदेशय् बुद्धमूर्ति अनावरण

थिमि – मध्यपुर थिमि नगरपालिका ९ वडा गाखुइ श्रीलंकाया दातापाखें प्राप्त सिंगमरमरया बुद्धमूर्ति थापना यासें अनावरण यायेगु ज्या जुल । गाखुया हे स्थानीय श्रामणेर नन्दं श्रीलंकाया दाता तुलञ्जना कसुन श्रीवद्र्धनेपाखें दान स्वरुपं प्राप्त ३ फिट ६ इन्चया उगु बुद्धिमूर्ति राष्ट्रिय प्रजातन्त्र दिवसया सन्दर्भय् लाकाः अनावरण यायेगु ज्या जूगु खः ।बुद्धमूर्ति मूपाहांकथं बिज्याःम्ह भिक्षु पञ्ञासार महास्थविरं अनावरण यानाबिज्याःगु खः । उगु इलय् वसपोलं पचशील बियाबिज्यायेगु नापं बुद्धपुजा लिपा धर्मोपदेश नं बियाबिज्याःगु खः ।

उगु इलय् बुद्धमूर्ति दयेकेगु ज्याय् स्वयम थःपिं हे नं दँकःमि जुयाः ग्वाहालि यानादीपिं श्रामणेर नन्दया छेँजःपिं सकसितं मूपाहांपाखें खादां न्ययेकाः सम्मान नं याःगु खः ।नगदेश बुद्ध विहारया उपासकउपासिका व गाखुया स्थानीय जनसमूहया मंकाः कुतलय् जूगु बुद्धमूर्ति अनावरण ज्याझ्वलय् समूहया सचिव कृष्णकुमार प्रजापतिं सुभाय् देछायेगु झ्वलय् ज्याझ्वःपाखें छगू लाख पीप्यद्वः आर्थिक ग्वाहालि संकलन जूगु जानकारी बियादीगु खः ।बुद्धमूर्ति अनावरण याये न्ह्यः नगदेश बुद्ध विहारनिसें गाखुस्थल तक सांस्कृतिक बाजंसहित शोभा यात्रा नं याःगु खः ।

सम्बन्धित बुखँ

LEAVE YOUR COMMENTS