विश्वकप २०१८

जगतसुन्दर ब्वनेकुथि २८ दँ क्यन

येँ – थनया चागलय् च्वंगु नेपालभाषाया न्हापांगु ब्वनकुथि जगतसुन्दर ब्वनेकुथिया नीच्यादँ बुन्हि थीथी ज्याझ्वः यासें हन ।ज्याझ्वलय् थुगु दँय् एसइई बिउपिं ब्वनामिपिं मध्ये नेपालभाषा विषयय् दकलय् अप्वः ल्याः हःपिं मिसापाखें सुजिना तामाङ व मिजं पाखें रितेश श्रेष्ठयात म्हतिं न्याद्वः न्याद्वः तका दां सिरपाः व दसिपौ लःल्हाःगु खः । थ्व सिरपाः दँय्दसं निरन्तर लःल्हायेगु निंतिं मानन्धरया परिवारपाखें अक्षय कोष दयेकेत छगू लख तकाया चेक व प्रौढ शिक्षाया निंतिं न्यय्द्वः तकाया चेक ब्वनाकुथिया नायः लक्ष्मीनास मानन्धरयात लःल्हाःगु खः ।अथे हे ब्वनेकुथिइ नेपालभाषा ब्वंकेगु निंतिं नायः भाजु मानन्धरं नं न्य्द्वः तका चेक लःल्हानादीगु खः ।

ज्याझ्वलय् एसइई परीक्षाय् दकलय अप्वः ल्याः हःपिं ब्वनामिपिंत ब्वनेकुथिया शिक्षिका शान्ति मानन्धरया नामय नीस्वनातःगु शान्ति सिरपाः पाखे नं हनेगु ज्या जूगु खः । ब्वनेकुथिया प्रिन्सिपल मय्जु सुनिता मानन्धरं लसकुस यानादीगु ज्याझ्वः ब्वनेकुथिया नायः लक्ष्मीदास मानन्धरया सभापतित्वय् जूगु ज्याझ्वलय् डा. चुन्दा वज्राचार्य, पुलांम्ह प्रिन्सिपल माया मानन्धर, शान्ति सिरपाःया दाता ज्ञानेन्द्र मानन्धर, अक्षकोषया दाता गुह्यश्वरीराज मानन्धरपिंसं ब्वनेकुथिया बारे थःथःगु नुगःखँ प्वंकादीगु खःसा लोककवि राजभाई जकःमिं कविता वाचन यानादीगु खः ।ज्याझ्वलय् २०६७ या एसएलसी ब्याचया पुलांपिं ब्वनामिपाखें ब्वनेकुथियात प्यपाः ह्वाइत बोर्ड नं लःल्हाःगु खः । थ्वहे दथुइ थीथी इलय् थीथी कथं ब्वनेकुथियात ग्वाहालि याःपिंत दसिपौ बियाm हनेगु ज्या नं जूगु खः । ज्याझ्वः लिपा ब्वनेकुथिया ब्वनामिपिंसं साँस्कृतिक ज्याझ्वः न्ह्यब्वःगु खः ।

सम्बन्धित बुखँ

LEAVE YOUR COMMENTS