विश्वकप २०१८

नेपालभाषा शिक्षण बारे सहलह

येँ  – गुंगू व झिगू तगिमय् नेपालभाषा विषय ब्वंकेगु बारे थीथी स्कूलया प्रिन्सिपल व शिक्षकपिनि दथुइ सहलह जुल ।
नेपालभाषा ब्वनीपिं विद्यार्थी अप्वयेकेगु बारे सहलह न्ह्याका यंकेत छगू पुचः नं नीस्वंगु दु । पुचःया अध्यक्ष कथं थिमिया आदर्श माविया पुलांम्ह प्रिन्सिपल विद्या चित्रकार च्वनादीगु दुसा जगतसुन्दर ब्वनेकुथिया प्रिन्सिपल सुनिता मानन्धर छ्यांज्ये व दुजः कथं नेवाः स्यनामि नेपालमण्डलया कायबहादुर नेपाली (व्यंजनकार), कीर्तिपुर माविया देवआनन्द महर्जन, नेवाः वस्ती नेवाः स्कूल अभियानया दिपक तुलाधर, माठमाडौं मोडेल स्कूलया राजेन्द्र महर्जन, आदर्श मावि थिमिया उद्धज सुजखु व श्री जनक सिद्धिकाली मावि थिमिया बालमुकुन्द श्रेष्ठ च्वनादीगु दु ।
उगु हे मुँज्याय् जगतसुन्दर सञ्चालक समितिया नायः लिसें लक्ष्मीनारायण–पुनमाया सिरपाःया दाता लक्ष्मीदास मानन्धरं आदर्श मावि थिमियात नेपालभाषा विषय ब्वंकेया लागिं न्यय्द्वः तका ग्वाहालि बीगु घोषणा नं यानादिल ।

सम्बन्धित बुखँ

LEAVE YOUR COMMENTS