नेवाः दिवस थुकथं नं हनादिसँ

येँ  – वल्र्ड नेवाः अर्गनाइ–जेशनया नायः सिजन श्रेष्ठं छगू अपिल पिकासें थ्वहे वइगु मार्च ३० व ३१ तारिख निन्हुयंकं येँय् न्यायेकत्यनागु ‘हलिं नेवाः न्हि (वल्र्ड नेवाः डे)’ ज्याझ्वलय् ब्वति कायेत विश्वन्यंकंया नेवाःतय्त इनाप यानादीगु दु । नेवाः सम्पदा व नेवाः जातियात म्वाका तयेगु ताः तयाः उगु नेवाः न्हि न्यायेकेत्यनागु खँ वय्कलं धयादीगु दु । दँय्दसं मार्च महिनाया अन्तिम शनिवाः थ्व नेवाः दिवस न्यायेकेगु थःपिनि तातुना दु धासें वय्कलं वकुन्हु विश्वन्यंकंया नेवाःतय्सं थः गन च्वंच्वनागु खः वहे थासय् थीथी ज्याझ्वः यासें थ्व दिवस हने फइगु खँ कनादीगु दु ।

वय्कलं थःगु अपिलय् धयादीगु दु – थः पासापिं व छेँजःपिंलिसे थुगु न्हियात नखः थें न्यायेकादिसँ वा थःपिनि त्वाःत्वालय् ‘हलिं नेवाः न्हि’या ज्याझ्वलय् ब्वति कयादिसँ । थुकुन्हु छुं ज्याझ्वः ग्वसाः ग्वयातःगु दुसा उगु ज्याझ्वलय् झासँ, गथे कि गुँभ्वय्, सकलें मुनाः न्यासिवनेगु, लाइब्रेरीइ न्वचु ज्याझ्वः, छुं कलाकृतिया ब्वज्या, अथे हे सुयां छेँय् समय्बजि नयेगु, यःमरी नयेगु वा च्या छखोला जक जूसां सकलें मुनाः त्वनादिसँ । सामाजिक सञ्जालय् वा छुं खलःपुचः वेबसाइटय् थः नेवाः जुयागुया छुकी छुकी गौरव ताः, छाय् गर्व तायेथाय् दु च्वयादिसँ ।

सम्बन्धित बुखँ

LEAVE YOUR COMMENTS