विश्वकप २०१८

बलिउड अभिनेत्री श्रीदेवी मंत

बलिउडया नांजाःम्ह अभिनेत्री श्रीदेवी मंत । वंगु चान्हय् हृदयाघात दुबईलय् जुयाः मदुगु खः ।
सन् १९८०या दशकय् बलिउड संसारय् थःगु आधिपत्य कायम याना तयेत सफल श्रीदेवीं बलिउडया निंतिं आपालं सुपरहिट संकिपा बिउगु दु । ८० दशकय् श्रीदेवीं अभिनय याःगु फिल्म हिम्मतवाला, तोहफा, मिस्टर इण्डिया, नगिना थेंज्याःगु दर्जनौं सुपरहिट फिल्मय् अभिनय याःगु दु ।
दथुइ छुं ई त्वःताः बलिउडया संकिपा ख्यलय् लिपांगु इलय् तकं सक्रिय खने दुम्ह श्रीदेवीया सन् २०१७ य् जक ‘माय्म’नांया संकिपा प्रदर्शनय् वःगु खः । बलिउडया निर्माता निर्देशक बोनी कपुर नापं इहिपा याःम्ह श्रीदेवीया सन् १९९७ य् पिहां वःगु ‘जुदाई’ नांया संकिपा लिपा करिब १५ दँ तक थुगु ख्यःपाखें तापाकच्वंगु खःसा वयां लिपा सन् २०१२ य् ‘इंग्लिश विंग्लिश’ संकिपाय् खने दयेकः वःगु खः ।
सन् १९६३ अगस्ट १३ तारिख कुन्हु भारतया तामिलनाडुइ जन्म जूम्ह श्रीदेवीं प्यदँया उमेरय् हे फिल्मी जीवन शुरु याःगु खः । दकलय् न्हापां तामिल फिल्मं बलिउडया रंगीन संसारय् थःगु यात्रा न्ह्याकूम् श्रीदेवीं वयां मचा कलाकारया रुपय् तेलेगु व मलयालम भाय्या फिल्मय् नं अभिनय याःगु खः ।
दक्षिण भारतीय फिल्मय् ज्या यायां श्रीदेवी बलिउडय् दुहां वःम्ह खः । सन् १९७९ लय् श्रीदेवीं दलकय् न्हापां बलिउडय् ‘सोलहवां साल’ नांया संकिपाय् मुख्य अभिनेत्रीकथं म्हितूगु खः ।

सम्बन्धित बुखँ

LEAVE YOUR COMMENTS