विश्वकप २०१८

राष्ट्रपति निर्वाचन फागुन २९ गते

येँ राष्ट्रपति निर्वाचन थ्व वइगु फागुन २९ गते जुइगु जूगु दु । चुनावया निंतिं निर्वाचन आयोगं निर्वाचन तालिका नं सार्वजनिक याःगु दु ।
बिहिवाः च्वंगु निर्वाचन आयुक्ततय् बैठकं फागुन २९ गते राष्ट्रपति चुनाव यायेगु क्वःछिउगु खः ।

चुनावया तिथि क्वःछिइवं आयोगं निर्वाचन तालिका नं पितबिउगु खः । तालिका कथं फागुन २१ गते मतदाता नामावली प्रकाशन याइ । अथेहे फागुन २३ गते उम्मेदवारी दर्ता, २४ गते उम्मदवारतय् अन्तिम नांधलः पिथनी । फागुन २९गते मंगलवाः सुथय् १० बजे निसें ३ बजे तक मतदान जुइसा ४ बजे निसें मतगणना सुरु जुइ ।

राष्ट्रपति निर्वाचनया तिथि क्वःछिइधुंकूसां प्रमुख राजनीतिक दलतय्सं धाःसा आःतक सुयात राष्ट्रपति उम्मेदवार दयेकेगु धयागु बारे स्पष्ट जानकारी बिउगु मदुनि ।

राष्ट्रपतिइ नं वाम गठबन्धनया हे उम्मेदवार पक्का त्याइगु खनेदुगुलिं थ्व पालय् राष्ट्रपति एमाले व उपराष्ट्रपति माओवादी केन्द्रं काइगु सम्भावना यक्व दु । उकिसनं आः नं वर्तमान राष्ट्रपति विद्यादेवी भण्डारी व उपराष्ट्रपति नन्दबहादुर पुन हे दोहरे जुइगु खँ पिहां वयाच्वंगु दु ।

सम्बन्धित बुखँ

LEAVE YOUR COMMENTS