केलत्वालय् मांभाय् दिवस

येँ – अन्तर्रा–ष्ट्रिय मांभाय् दिवसया लसताय् म्हिगः थनया जनबहालय् केलत्वाःया स्थानीय नेपाःमिपाखें छगू साहित्यिक ज्याझ्वः यात । गायक पवित्र कसाः व साहित्य–कार शरद कसाःया विशेष पहलय् जूगु उगु साहित्यिक ज्याझ्वलय् लाभरत्न तुलाधर, डा. पुष्पराज राजकर्णिकार, शाक्य सुरेन, राजा शाक्य, शशिकला मानन्धर, राजभाई जकःमि, सुरेश किरण, रजनी मिला, अर्जुन नेपाःमि, रेणु श्रेष्ठ, रामेश्वर श्रेष्ठ मिश्रण, कृष्णभक्त बोडे आदिपिंसं रचना पाठ यानादीगु खःसा भृगुराम श्रेष्ठ, जुजुकाजी रंजित, सुरजवीर वज्राचार्य, सरिता शाहीपिंसं म्येँ हालाः न्यंकादीगु खः ।

मांभाय् दिवसया लिसें महाकवि सिद्धिदास महाजुया १५० दँ व भाषानिभाः प्रेमबहादुर कसाःया १०० दँ बुन्हिया लसताय् समेत लाकाः उगु ज्याझ्वः जूगु दु । ज्याझ्वलय् उपस्थित सकलें मूपाहां व वडाध्यक्ष निलकाजी शाक्ययात विशेष मूपाहां दयेकाः उगु ज्याझ्वः जूगु खः । मांभाय् दिवसया हे लसताय्
म्हिगः नेपाल प्रज्ञा प्रतिष्ठानपाखें नं छगू मातृभाषा कविता महोत्सव ज्याझ्वः यात । ज्याझ्वलय् नेपालभाषा लगायत ३६ गू थीथी भाषाया ४४ म्ह कविपिंसं कविता पाठ यानादीगु खः । लिसें थीथी जातिया सांस्कृतिक झाँकी कथं हुलाप्याखं नं अन न्ह्यब्वःगु खः ।

सम्बन्धित बुखँ

LEAVE YOUR COMMENTS