विश्वकप २०१८

७ अर्ब हकप्रद शेयर वइगु

येँ – थीथी खुगू बिमा कम्पनीया ३१ करोड ४३ लाख ३८ हजार कित्ता हकप्रद शेयर निष्कासनया तयारी जुयाच्वंगु दु । नेपाल धितोपत्र बोर्डय् बिउगु निवेदनया आधारय् थुपिं बिमा कम्पनीतय्सं न्हय्गू अर्ब तका बराबरया हकप्रद शेयर जारी यायेत्यंगु खः । बिमा कम्पनीतय्सं मुक्क खुगू अर्ब ८५ करोड ६४ लाख ४१ हजार तका बराबरया हकप्रद शेयर जारी यायेत बोर्डयात निवेदन बिउगु खँ बोर्डं धाःगु दु । हकप्रद शेयर निष्कासनया निंतिं आवेदन बिउपिं सूर्या लाइफ इन्स्योरेन्सं २८ लाख ८७ हजार ५ सय कित्ता पितबीत्यंगु दु । कम्पनीं १० बराबर ४ कित्ता हकप्रद शेयर बीत्यंगु खः ।

अथेहे सिद्धार्थ इन्स्योरेन्सं २२ लाख ४४ हजार ९७३ कित्ता हकप्रद शेयर जारी यायेत्यंगु दु । उगु कम्पनीं १० कित्ता शेयर बराबर ३.५ कित्ता हकप्रद शेयर बीत्यंगु खः ।उकथं हे गुराँस लाइफ इन्स्योरेन्सं २९ लाख ७० हजार हकप्रद शेयर जारी यायेत्यंगु दु । कम्पनीं २ बराबर १ कित्ता हकप्रद शेयर जारी यायेत्यंगु खः । अथेहे एभरेष्ट इन्स्योरेन्स कम्पनीं ७२ लाख ९० हजार कित्ता हकप्रद शेयर जारी यायेत्यंगु दु । हकप्रद शेयर जारी यायेत्यंगु मेगु बिमा कम्पनी नेशनल लाइफ इन्स्योरेन्स कम्पनी खः । उगु कम्पनीं ९९ लाख ३६ हजार कित्ता शेयर जारी यायेत्यंगु खः ।

हकप्रद शेयर जारी यायेगु निंतिं बोर्डय् आवेदन बिउगु मेगु बिमा कम्पनी नेपाल इन्स्योरेन्स कम्पनी खः । कम्पनीं ३० लाख १९ हजार शेयर जारी यायेत्यंगु खः । झिंन्यागू कम्पनीं जक वित्तीय विवरण सार्वजनिक यात चालु आर्थिक दँया पुस मसान्त तक झिंन्यागू बिमा कम्पनीं जक थःगु आर्थिक विवरण सार्वजनिक याःगु दु । झिंन्हय्गू निर्जीवन बिमा कम्पनी मध्ये झिंन्यागुलिं थःगु त्रैमासिक प्रतिवेदन प्रकाशित याःगु खः ।समिक्षा अवधिइ झिंन्यागू बिमा कम्पनी मध्ये दकलय् अप्वः नाफा राष्ट्रिय बिमा कम्पनीं कमे याःगु दु । समिक्षा अवधिया दुने कम्पनीं ३७ करोड २५ लाख नाफा कमे याःगु खः । अथेहे शिखर इन्स्योरेन्सं ११ करोड ६६ लाख नाफा कमे याःगु दु । दकलय् म्हो नाफा कमे याःगु कम्पनी एभरेष्ट इन्स्योरेन्स खः । एभरेष्टं २ करोड ३७ लाख तका नाफा कमे याःगु दु ।

सम्बन्धित बुखँ

LEAVE YOUR COMMENTS