विश्वकप २०१८

डन मनाेज पुनयात इन्काउन्टरय् स्यात

येँ – प्रहरीया माेस्ट वान्टेड डन मनाेज पुन वगु चान्हय् प्रहरी  इन्काउन्टरय् सीगु दु । थाैं सुथय् रुपन्देहीइ प्रहरीलिसे जूगु मुठभेडय् पुन सीगु खः । वया लिसें मेम्ह सुटर साेमबहादुर अाले नं सीगु दु ।

प्रहरी उमित ज्वनेत वंबलय् प्रहरीयात हे गाेली कयेकाः बिसिउँ वनेवं प्रहरीं याःगु जवाफि फायरय् लानाः निम्हं सीगु खः ।

घटनाय् घाःपाः जुइवं उमित लुम्बिनी अञ्चल अस्पताल यंकूगु खःसा अन उपचार यायां मदुगु खः।

प्रहरी धाःकथं भारतय् सुलाच्वनीम्ह पुन नेपाः वयाः मेगु काण्ड यायेत रुपन्देहीया भवानीपुर धाःथाय् पासापिं लिसे सहलह यानाच्वंगु जानकारी वयेवं प्रहरी अन थ्यंगु खः ।

निर्माण व्यवसायी शरद गाैचन, दच्छि न्ह्यव देवदहय् युवासंघया दुर्गा तिवारी, पुस २२ गते देवदहय् हे वसन्त पाैडेलया हत्या मू ल्हाः पुनया हे दुगु खः । व अपहरण यानाः फिराैती कायेगु ज्या यानावयाच्वंम्ह खः ।

सम्बन्धित बुखँ

LEAVE YOUR COMMENTS