विश्वकप २०१८

थ्री गर्जेजयाके स्पष्टीकरण काइगु

येँ – राष्ट्रिय योजना आयोगं पश्चिम सेती जलविद्युत आयोजनाया अनुमति कयातःगु चीनया थ्री गर्जेज इन्टरनेशनल कर्पोरेसन याके गुइन्हुया दुने लिसः वइ कथं स्पष्टीकरण कायेगु निर्णय याःगु दु । थ्री गर्जेजं ७५० मेगावाट क्षमताया उगु आयोजना दयेकेगु अनुमति कयातःगु खः।

थ्री गर्जेजं मतया भाः थकायेत दबाब बियाच्वंगु खःसां सरकारं उकि–यात अस्वीकार याना वयाच्वंगु खः । थ्वहे खँयात त्वहः तयाः थ्री गर्जेज आयोजनां लिचिलेत स्वयाच्वंगु खः ।

नेपाल विद्युत प्राधिकरणं थ्व परियोजनापाखें सुख्खायामय् प्रति युनिट १२.४० तका व मेगु इलय् ७.१० तकां मत न्यायेगु प्रस्ताव तःगु खः गुकियात थ्री गर्जेजं स्वीकार यानाच्वंगु मदु ।

थ्व विवादया दथुइ आयोगया उपा–ध्यक्ष डा. स्वर्णिम वाग्लें अथे खःसा थ्री गर्जेजं थ्व आयोजना शुरु यायेगु खः लाकि मखु गुइन्हुया लिसः बिउ धकाः स्पष्टीकरण कायेगु निर्णय याःगु खः ।

१ खर्ब ६० अर्ब तका तुइगु अनुमान यानातःगु पश्चिम सेतीं थ्री गर्जेजं ६५ प्रतिशत, विद्युत प्राधिकरणं २५ प्रतिशत व आयोजना प्रभावित स्थानीय वासिन्दाया १० प्रतिशत शेयर दइगु कथं लगानीया संरचना तयार याना तःगु दु । थ्री गर्जेजं थःगु भागय् लाःगु ६५ प्रतिशत शेयर मध्ये १४ प्रतिशत शेयर नेपाःया साझेदारीयात मी जिउगु व्यवस्था यानातःगु दु ।

प्राधिकरण व थ्री गर्जेज दथुइ लछि न्ह्यः जूगु मंकाः आयोजना विकास सम्झौता (जेभिए) सं आयोजनापाखें १७ प्रतिशत स्वयां अप्वः प्रतिफल मवइगु खँ
न्ह्यथनातःगु दु । आःया पीपीए दरं उगु प्रतिफल चूलाके मफइगु दावी थ्री गर्जेजं यानाच्वंगु दु । आयोजनापाखें दँय् ३ अर्ब ३३ करोड युनिट मत उत्पादन जुइगु अनुमान दु ।

थ्री गर्जेजयाके थ्व स्पष्टीकरण कायेगु धकाः निर्णय यानादीम्ह राष्ट्रिय योजना आयोगया उपाध्यक्ष डा. स्वर्णिम वाग्लें धाःसा म्हिगः राजीनामा बिउगु दु ।

सम्बन्धित बुखँ

LEAVE YOUR COMMENTS