विश्वकप २०१८

गोरखा दरवार पुनःनिर्माणया निंतिं थुनेगु शुरु

येँ – तःभुखाचं क्षति जूगु गोरखा दरवार पुनःनिर्माणया निंतिं थुनेगु ज्या शुरु जूगु दु । २०७२ साल बैशाख १२ गतेया गोरखाया बारपाक केन्द्रीत तःभुखाचं क्षतिग्रस्त जुइवं ऐतिहासिक महत्व कुबियाच्वंगु गोरखा दरवार पुनःनिर्माणया निंतिं थुनेगु ज्या शुरु जूगु खः ।१९९० सालया तःभुखाचं नं छुं मजूगु गोरखा दरवार थनिं करिब स्वदँ न्ह्यः गोरखाया बारपाक केन्द्रीत तःभुखाचं धाःसा क्षतिग्रस्त जूगु खः । ४०० दँ पुलांगु धयातःगु उगु दरवार जगंनिसें हे पुनःनिर्माण यायेमाःगुलिं आः उकियात पूवंक हे थुनेगु ज्या जुयाच्वंगु दु ।

पूवंक हे थुनाः जगंनिसें हे पुनःनिर्माण यायेमाःगु जूगुलिं थुनेगु ज्या जुयाच्वंगु व पुलांगु हे स्वरुप व संरचनाय् हाकनं पुनःनिर्माण यायेगु पुरातत्व विभागं न्ह्यथंगु दु ।वि.सं. १६८६ लय् तत्कालीन गोरखाया जुजु राम शाहया पालय् दयेकूगु गोरखा दरवार पुलांगु हे स्वरुपय् पुनःनिर्माण यायेगु ल्याखं विभागया कर्मचारीया उपस्थितिइ थुनेगु ज्या जुयाच्वंगु दु । दरवार थुनेगु ज्यालिसें पुलांगु सामग्री चिइकेगु ज्या नं जुयाच्वंगु दु ।

‘दरवारया पुलांगु सामग्री चिइकेगु ज्या जुयाचवंगु दु । ज्या काये जिउगु सामग्री हाकनं प्रयोग यायेगु व ज्या लगे मजूगुयात वांछ्वयेगु जुइ’ दरवार हेरचाह अड्डाया प्रमुख हरिप्रसाद भुसालं धयादिल, ‘दरवार थुनेगु ज्यालिसें जग तयेगु निंतिं नं ज्या जुयाच्वंगु दु । करिब ४ करोड ३७ लाख लागतय् पचली सिभा जेभी कम्पनीं दरवार पुनःनिर्माण यायेत्यंगु खः । भुखाचं हे क्षति जूगु दरवार लागाया गोरखनाथ देगः लगायतया संरचना धाःसा पुनःनिर्माण यायेगु ज्या क्वचाय् धुंकूगु दु ।

सम्बन्धित बुखँ

LEAVE YOUR COMMENTS