सिलवालया मुद्दाय् आलटाल

येँ – महान्यायाधिवक्ता बसन्तराम भण्डारीं प्रतिनिधिसभाया सदस्यय् निर्वाचित जूम्ह प्रहरीया पुलांम्ह डिआइजी नवराज सिलवाल विरुद्ध प्रहरीं किर्ते अभियोगय् मुद्दा तयेत बिउगु राय कथं सरकारी वकिलं मुद्दा दर्ता मयात धाःसा थम्हं हे दर्ता यायेगु खँ कनादीगु दु ।सरकारी वकिलयात उगु मुद्दा दर्ता मयायेत ख्याच्वः बियाच्वंगु द्वपं बिसें सरकारी वकिलं याये मफइगु खःसा थम्हं हे निर्णय यायेगु खँ वय्कलं धयादीगु खः ।

महान्यायाधिवक्ता भण्डारीं थ्व ज्याय् थीथी थासं सरकारी वकिलयात ख्याच्वः वयाच्वंगु खँ नं कनादीगु दु । वय्कलं धयादीगु दु, ‘थ्व मुद्दा राजनीतीकरण जुइधुंकूगु दु । जिल्ला सरकारी वकिलयात ख्यायेगु ज्या जुयाच्वंगु दु । थीथी दलं नं ख्यायेगु ज्या यानाच्वंगु दु । थज्याःगु इलय् जिल्ला सरकारी वकिलं छुं याये मफुत धाःसा जिं हे छुं उपाय याये माली ।’

सम्बन्धित बुखँ

LEAVE YOUR COMMENTS