विश्वकप २०१८

नेपाःयात १९५ रनया लक्ष्य

आईसीसी विश्व क्रिकेट लिग डिभिजन–२या निर्णायक कासाय् नेपाःयात क्यानाडां १९५ रनया लक्ष्य बिउगु दु ।
नामिबियाय् जुयाच्वंगु कासाय् नेपालं टस त्याकाः न्हापां क्षेत्र रक्षण यायेगु निर्णय याःगु खः । टस बुनाः न्हापां ब्याटिङया निंतिं मैदानय् कुहां वःगु क्यानाडां निर्धारित ५० ओभरय् ८ विकेटया क्षतिइ १९४ रन दयेकूगु खः । वयागु निंतिं प्रारम्भिक ब्याट्सम्यान श्रीमन्था विजेरत्नें १५२ बल म्हितेगु झ्वलय् ८ चौकाया ग्वाहालिं अविजित १०३ रनया शतकीय योगदान बिउगु खः ।
क्यानाडाया निंतिं हम्जा तारिक, साद जाफर व सत्सिमारंजित ढिन्डसा बाहेकं मेपिं सुं नं ब्याट्सम्म्यान दोहोर अंकया रन दयेके मफुत । तारिकं २ छक्काया ग्वाहालिं २४ (३०) रन दयेकूगु खः । ढिन्डसां नं अविजित १८ रनया योगदान बिउगु खः ।
नेपाःया बसन्त रेग्मीं दकलय् अप्वः ३ विकेट काल । १० ओभर बलिङ याःम्ह रेग्मीं ३४ रन खर्च याःगु खः । अथे हे नेपाःया निंतिं सन्दीप लामिछानें २, शरद भेषावकर व करण केसीं छगू छगू विकेट काल ।
निगुलिं टीमयात ‘गर या मर’या अवस्थाय् दुगु थौंया कासा त्याकूगु टीम हे मेगु महिनाय् जिम्बाब्वेय् जुइगु विश्वकपया निंतिं छनोट जुइ ।

सम्बन्धित बुखँ

LEAVE YOUR COMMENTS