हृदयरोग निवारण ख्वपया झिंस्वक्वःगु तःमुँज्या

ख्वप – नेपाल हृदयरोग निवारण प्रतिष्ठान ख्वप शाखाया झिंस्वक्वःगु तःमुँज्या जुल । तःमुँज्याया उलेज्या केन्द्रीय उपाध्यक्ष दीपेन्द्रपुरुष ढकालं यानादीगु खः । प्रतिष्ठानया ख्वप कचाया अध्यक्ष तुल्सीकुमार लासिवाया सभापतित्वय् जूगु ज्याझ्वलय् सचिव विष्णुप्रसाद किसीं वार्षिक प्रगति प्रतिवेदन व कोषाध्यक्ष जननीप्रसाद मूलं आर्थिक प्रतिवेदन न्ह्यब्वयादीगु खः । ज्याझ्वलय् नवासें केन्द्रीय उपाध्यक्ष ढकालं नुगःचुया ल्वचं कइगु म्हो यायेगु खःसा जनचेतना अभिवृद्धि जुइगु ज्याझ्वःत न्ह्याका वनेमाःगु खँय् बः बियादिल ।

ज्याझ्वलय् केन्द्रीय महासचिव बलराम न्यौपाने, येँ जिल्ला शाखाया सभापति सुरेन्द्रलाल श्रेष्ठ, यल जिल्ला शाखाया डा. पुष्पराज राजकर्णिकार, शहीद धर्मभक्त राष्ट्रिय प्रत्यारोपण केन्द्र ख्वपया वरिष्ठ कार्डियोभास्कुलर डा. प्रेमराज वैद्य, नेपाल क्षयरोग निवारण संस्था ख्वपया सभापति राम सिंख्वः, सल्लाहकर विश्वराम कवां, उपसभापति राजुराम मुनंकर्मि, सहसचिव बालमुकुन्द बासुकला लगायतं नवानादीगु खः । अथे हे उगु तःमुँज्यां जननीप्रसाद मूलया अध्यक्षताय् झिंन्याम्हेसिया न्हूगु ज्यासना पुचः नं नीस्वंगु खः ।

सम्बन्धित बुखँ

LEAVE YOUR COMMENTS