नेपाःमिया नसाज्वलनय् प्रोटिन म्हो

येँ – नेपाली नसाज्वलय् प्रोटिनया मात्रा अभाज जूगु सरोकारवालातय्सं धाःगु दु । नेपाःमितय्सं नइगु नसाज्वलनय् प्रोटिनया मात्रा अभाव जूगु चितवनय् जूगु छगू ज्याझ्वलय् सहभागि वक्तातय्सं धाःगु खः । जनचेतनाया कमिया कारणं नेपाःमितय्सं न्हियान्हिथं नइगु नसाज्वलनय् प्रोटिनया मात्रा गुलि दु धइगु खँ मापन याये मफुगु इमिसं धाःगु दु । नेपाल पोल्ट्री महासंघ, कृषि वन तथा वनविज्ञान विश्वविद्यालय, नेपाल भेटेरिनरी एशोसियसन व अमेरिकी सोयाबिन एक्सपोर्ट काउन्सिलया मंकाः ग्वसालय् जूगु ‘सकसिगुं निंतिं प्रोटिन’ विषयक कार्यशाला गोष्ठिइ सहभागि विज्ञतय्सं नेपाःमितय्सं न्हिथं उपभोग याना वयाच्वंगु नसाज्वलनय् प्रोटिनया मात्रा म्हो जुया वयाच्वंगु जानकारी बिउगु खः ।

रामपुरस्थित कृषि तथा वन विज्ञान विश्वविद्यालयया उपप्राध्यापक डा. सुविर सिंहं अनुसन्धानया तथ्यांककथं नेपालय् कुल ६ दशमलव ४ लाख मेट्रिक टन प्रोटिनया आवश्यकता दु धयादिसें उत्पादन धाःसा ६ दशमलव ४ लाख मेट्रिक टन जक जुयाच्वंगु धयादिल । वय्कःया धापूकथं ७० निसें ८० प्रतिशतया ल्याखय् नेपाःमित प्रोटिनयुक्त नसाज्वलं नयेगुपाखें द्यानाच्वनेमाःगु दु । मानव शरीरया निंतिं अत्यावश्यक न्यागू पौष्टिक तत्वमध्ये प्रोटिन छगू अतिकं महत्वपूर्ण जूगु धासें उकिं जैविक विकास जक मखसे मानसिक विकासया निंतिं थ्व अतिकं आवश्यक जूगु सरोकारवालातय् धापू दु ।

न्हियान्हिथं पौष्टिकतत्वं शरीरयात आवश्यक रुपं सन्तुलन यायेगु जक मखसे उकिं मानव शरीरय् च्वंगु कोष, ला, क्वें, नसा, आदि निर्माणया निंतिं नं खर्च जुइगु सम्बन्धित सरोकारवालातय्सं धाःगु दु । प्रोटिन प्राप्त यायेत पशु व अन्नबालीयात प्रमुख आहारया रुपय् कायेगु याः शरीरया निंतिं आवश्यक अमाइनो एसिडया प्रमुख स्रोत पशुपाखें प्राप्त जुइगु नसाज्वलय् दइगु खः।

सम्बन्धित बुखँ

LEAVE YOUR COMMENTS