विश्वकप २०१८

नेपालं युएइयात प्यंगू विकेटं बुकल

आइसिसी वल्र्ड क्रिकेड लिग डिभिजन २ या थौं जूगु कासाय् नेपालं युएइयात प्यंगू विकेटं बुकूगु दु । थ्व विजय लिसे नेपाः निगूगु थासय् थहां वःगु दु । खुगू टिम दुथ्याःगु थ्व धेंधेंबल्लाखय् शीर्ष निगू थासय् लात धाःसा एकदिवसीय विश्वकपया छनोटय् म्हितेखनी ।

नेपालं आःतक स्वंगू कासा म्हितूगुलि निगू त्याःगु व छगू बुइवं ४ अंक कयाः निगूगु थासय् लानाच्वंगु दु । थम्हं म्हितूगु स्वंगुलिं कासा त्याकूगु क्यानाडा शीर्षस्थानय् दु ।

नेपालं टस त्याकाः न्हापां ब्याटिङ यासें युएइयात निर्धातिर ३४ ओभरय् ११४ रनय् सीमित याःगु खः । नेपालं ३१ बल ल्यंदनिबलय् खुगू विकेटया क्षतिइ विजय चूलाकूगु खः ।

नेपाःया निंतिं म्यान अफ दि म्याच पारस खड्कां अर्धसतकसहित ५१ रन दयेकूगु खः । पारसं ७ ओभर बलिङ यासें निगू विकेटं नं काःगु खः । आरिफ सेखं १६ रन दयेकलसा रोहित पौडेल व सोमपाल कामीं छसिकथं अविजित १२ व १० रन दयेकूगु खः ।
युएइयात ११४ रनय् सीमित यायेगु निंतिं सोमपाल कामीं प्यंगू व सन्दीप लामिछानें स्वंगू विकेट काःगु खःसा छगू विकेट करण केसीं काःगु खः ।

सम्बन्धित बुखँ

LEAVE YOUR COMMENTS