विश्वकप २०१८

थौं प्रदेश ३या सभामुख निर्वाचन, सानु श्रेष्ठ सभामुख जुइगु पक्का

येँ ( प्रदेश नं. ३या सभामुख एमालेया सानुकुमार श्रेष्ठ जुइगु थ्यंमथ्यं पक्का जूगु दु । प्रदेश ३ या सभामुख ल्ययेगु निंतिं कन्हय् चुनाव जुइत्यंगु दु । थौं न्हिनय् ३ बजे हेटौंडाय् जुइगु प्रदेशसभा बैठकय् सानु श्रेष्ठं सभामुखया निंतिं उम्मेदवारी बियादी । वय्कलं सभामुखया निंतिं उम्मेदवारी बीत पार्टीपाखें थःत निर्देशन वयेधुंकूगु खँ धयादीगु दु ।

थ्व प्रदेशय् एमालेया स्पष्ट बहुमत दुगु ल्याखं वय्कः हे निर्वाचित जुइगु पक्का पक्की दु । माओवादी केन्द्र नाप जूगु सहमति कथं माओवादी नं वय्कःयात हे मत बी । एमाले व माओवादी सहमति कथं उपसभामुख माओवादीपाखें जुइ । उपसभामुखया निंतिं राधिका तामांग उम्मेदवारी बीत्यंगु दु ।
एमालेया बैकल्पिक पोलिटब्यूरो दुजः भाजु श्रेष्ठं सभामुख जुइगु निंतिं संसदीय दलया नेताया निंतिं डोरमणि पौडेलयात समर्थन यानादीगु खः । पौडेल म्हिगः जूगु एमालेया संसदीय दल नेता निर्वाचित जुयादीगु खःसा आः वय्कः हे प्रदेश ३ या मुख्यमन्त्री जुयादी ।

सम्बन्धित बुखँ

LEAVE YOUR COMMENTS