विश्वकप २०१८

थ्रीस्टार बुढा सुब्बा गोल्डकपया फाइनलय्

रुस्लान थ्रीस्टार फुटबल क्लब धरानय् न्ह्यानाच्वंगु नीक्वःगु बुढा सुब्बा गोल्डकप फुटबलाया फाइनलय् दुहां वंगु दु । थौं जूगु निगूगु सेमीफाइनलय् कोलकाताया दुर्गापुर स्टली फुटबल क्लबयात १–० गोलं बुकाः थ्रीस्टार फाइनलय् दुहां वंगु खः ।
थ्रीस्टारया निंतिं छगू जक निर्णायक गोल कासा अन्तिम इलय् इन्ज्युरी टाइमय् विष्णु गुरुंगं याःगु खः । निर्धारित ९० मिनेटया कासाय् निगुलिं टीमं आपालं अवसर प्राप्त याःसां बलया सही दिशा धाःसा बीमफुत । अतिरिक्त ईया इन्ज्युरी टाइमय् गुरुंगं याःगु छगू जक निर्णायक गोलया ग्वाहालिं थ्रीस्टारं फाइनलय् थःगु थाय् पक्का याःगु खः ।
आः फाइनलय् उपाधिया निंतिं थ्रीस्टारं चिरप्रतिद्वन्द्वी नेपाल पुलिस क्लबनापं म्हिती । नेपाल पुलिस न्हापांगु सेमीफाइनलय् संकटायात बुकूगु खः ।
थनिं छवाः न्ह्यः जक क्वचाःगु आहा रारा गोल्डकपय् नं पुलिसं थ्रीस्टारयात बुकाः उपाधि त्याकूगु खः ।

सम्बन्धित बुखँ

LEAVE YOUR COMMENTS