यलय् ज्ञानमालाया न्हूपिं पदाधिकारीपिंत भिंतुना

यल – श्री वज्रवीर महांकाल गुथि संरक्षण तथा टोल विकास समिति व पद्मावती ज्ञानमाला भजन संघ नःबहाः, यलं नेपाल राष्ट्रिय ज्ञानमाला समितिया न्हूपिं पदाधिकारीपिंत छगू ज्याझ्वः यासें भिंतुना देछाःगु दु । टोल विकास समितिया ल्यू नायः नेमवीर शाक्ययागु सभापतित्वय् जूगु ज्याझ्वलय् ज्ञानमालाया केन्द्रीय नायः रमना श्रेष्ठ व महासचिव इन्द्रमुनी शाक्ययात मू पाहाँ पूर्वमन्त्री बुद्धिराज बज्राचार्यं दोसल्ला व खादा न्ययेकाः सम्मान याःगु खः ।

ज्याझ्वलय् न्ववासें नायः मय्जु रमना श्रेष्ठं नेपाल राष्ट्रिय ज्ञानमाला समितियागु ज्याझ्वः जुइबलय् सकल उपासक उपासिकापिं उपस्थित जुयाः ग्वाहालि यानादी धइगु भलसा कासें थुगु सम्मान ज्याझ्वःपाखें ज्या यायेत हौसला, उत्साह बिउगु खँ धयादिल ।अथेहे महासचिव शाक्यं नेपाल राष्ट्रिय ज्ञानमाला समितिया थाय्बाय् मदयाः सुकुम्बासी जुइमाःगु अवस्था जूगुलिं ज्याकू दयेकेत श्रद्धा तयाः जग्गा दान यानाः फुचाःगु ग्वाहालि यायेत इनाप याःगु खः । पूर्वमन्त्री बुद्धिराज बज्राचार्य पाखें थः २००४ सालं निसें ज्ञानमाला भजन हाला वया च्वनागु खँ कसें नेपाल राष्ट्रिय ज्ञानमाला समितियात थःगु पाखें आवश्यक ग्वाहालि जुइ धयादिल ।

नेपालभाषा टाइम्स

च्वमिया मेमेगु

• थुकथं न्ह्यात बोडेया म्ये प्वाः खनीगु जात्रा
• बिस्काःया झ्वलय् थिमिइ ‘सुथसिया याः’ न्यायेकल
• छायादेवीया जग्गा पुखू प्रमाणित
• पाहाँचःह्रे क्वचाल
• ताेखाय् बिस्काःया निंतिं यःसिं थन