विश्वकप २०१८

रोहिंग्या हत्याय् सेनाया ल्हाः दुगु स्वीकार

म्यानमारया सेनां न्हापांखुसी रखाइन प्रान्तय् जूगु हिंसाय् रोहिंग्या मुस्मांतय् हत्याय् सेना संलग्न दुगु खँ स्वीकार याःगु दु । तर सेनां छगू जक घटनाय् सेना संलग्न दुगु खँ धाःगु दु ।
सेनाया कथं छानविनया इलय् म्यांग्दो छगू गामय् झिम्ह मुस्मांतय् हत्या जूगु घटनाय् प्यम्ह सैनिक जवान संलग्न दुगु लूगु खः । सेनां थुपिं प्यम्हेसिनं प्रतिशोधया भावनां थ्व हत्या याःगु खः । सेनाया भासं ‘बंगाली आतंकवादी’ धाइपिं रोहिंग्यातय्त आक्रमण यायेगु निंतिं प्यम्ह सैनिक जावन अनया गामय् च्वंपिंत ग्वाहालि याःगु खः ।
अन्तर्राष्ट्रिय ख्यलं धाःसा म्यानमारया सरकारयात रखाइन प्रान्तय् रोहिंग्या मुस्मांतय् विरुद्ध जातीय नरसंहार याःगु द्वपं बिया वयाच्वंगु दु ।
वंगु अगस्टं निसें थन जूगु हिंसा लिपा खुगू लाखं मल्याक रोहिंग्या मुस्मांत रखाइन प्रान्त त्वःताः बंगलादेशय् शरण काःवनेधुंकूगु दु । हिंसाया झ्वलय् सेनां सामुहिक हत्या, बलात्कार, अत्याचार याःगु द्वपं बिया वयाच्वंगु दु ।

–  एजेन्सी

सम्बन्धित बुखँ

LEAVE YOUR COMMENTS