न्यतया ‘अजिमा द्यः’ मन्त

येँ– न्यतमरु अजिमाया अजिमा द्यः जुया वयाच्वनादीच्वंम्ह लक्ष्मीनारायण महर्जन म्हिगः मन्त । वय्कःया अन्त्येष्टि थौं लुतिइ जुयाच्वंगु दु ।

न्यतया द्यःछेँय् हे च्वनादीम्ह वय्कः ९५ दँया वैंशय् मदुगु खः । खास हे छुं ल्वय् मदुसां म्हिगः सनिलयपाखे आकाझाकां अक्सिजन म्हो जुयाः मदुगु खँ धाःगु दु ।

न्यत द्यःप्याखंया मू द्यः अजिमा खः । वय्कःया थः झिंप्यदँ दुबलय् निसें हे अजिमा जुया वयाच्वनादीगु खँ धाःगु दु । आः वय्कःया थासय् वय्कःया तःधिकःम्ह काय अजिमा जुइ ।

न्यत अजिमाया प्याखं दँय्दसं पाहाँचःह्रेबलय् पिदनीसा झिंनिदँया जात्राय् थीथी थासय् वनाः प्याखं क्यनेगु ज्या जुइ ।

सम्बन्धित बुखँ

LEAVE YOUR COMMENTS