रुसया ओलम्पिक कासामितय् प्रतिबन्ध फुकुवा

कासा सम्बन्धी विवादया मध्यस्थ यानाः निरुपण याइगु स्वतन्त्र निकाय कोर्ट अफ आर्विटे«शन फर स्पोर्टस (कासं) रुसया २८ म्ह ओलम्पिक कासामितय्त तयातःगु प्रतिबन्ध फुकुवा यानाबिउगु दु । थुपिं २८ म्ह कासामितय् हक प्रतिबन्धित वासः छ्यःगु द्वपं पुष्टि यायेत प्रमाण मगाः धासें प्रतिबन्ध फुकुवा यानाबिउगु खः ।अन्तर्राष्ट्रिय ओलम्पिक कमिटीं बिउगु प्रमाण मगाः धासें उमिसं सन् २०१४ य् जूगु ओलम्पिकय् क्यंगु प्रदर्शनयात पुनस्र्थापित याइगु जूगु दु ।

सन् २०१४ य् सोचीइ जूगु शीतकालिन ओलम्पिकय् प्रतिबन्धित वासः छ्यःगु द्वपं बियाः उमित अन्तर्राष्ट्रिय ओलम्पिक कमिटीं प्रतिबन्ध तःगु खः । मेखे कासया थ्व निर्णयं भविष्यय् प्रतिबन्धित वासःविरुद्धया लडार्इँलय् लिच्वः लाइगु खँय् ओलम्पिक कमिटीं चिन्ता प्वंकूगु दु ।कासं धाःसा थःगु क्षेत्राधिकार रुसं संगठीत रुपं हे प्रतिबन्धित वासः छ्यःगु धयागु बारे क्वःछिइगु मखुकि कासामितय् व्यक्तिगत मुद्दाय् जक फैसला यायेगु खः धाःगु दु ।

कासं आंशिक रुपं प्रतिबन्ध फयाच्वंपिं मेपिं झिंछम्ह कासामितय्सं धाःसा प्रतिबन्धित वासः छ्यलेगु नियम उल्लंघन याःगु गाक्क प्रंमाण लूगु खँ धाःगु दु । आः थुपिं कासामित धाःसा आजीवन प्रतिबन्धित जुइगु मखुसा वइगु महिनाय् जुइगु शीतकालिन ओलम्पिकया निंतिं धाःसा अयोग्य जुइ । वइगु फेब्रुअरी ९ तारिख निसें दक्षिण कोरियाया प्योङ्गचाङय् शीतकालिन ओलम्पिक जुइत्यंगु दु । वल्र्ड एन्टी डोपिङ एजेन्सी वाडाया स्वतन्त्र आयोगं प्रतिबन्धित वासः छ्यःगु विषयय् रुसी कासामितय्त लानाच्वंगु आरोपया छानविन यानाच्वंगु खः ।

सम्बन्धित बुखँ

LEAVE YOUR COMMENTS