‘डी’ प्लसं म्हो हःपिं विद्यार्थीं गुंगू तगिमय् ब्वने मदइगु

येँ -शिक्षा मन्त्रालयं च्यागू तगिंया परीक्षाय् ‘डी’ प्लस ग्रेडस्वयां म्हो हइपिं विद्यार्थीयात च्वय्या तगिमय् ब्वनेत योग्य माने मयायेकथं पाठ््यक्रम परिमार्जन यायेगु तयारी याःगु दु । पाठ््यक्रम विकास तथा मूल्यांकन परिषद्या वंगु बुधवाः च्वंगु छगू मुज्यां डी प्लस स्वयां म्हो वःपिं विद्यार्थीया शैक्षिकस्तर कमजोर जुइगुलिं पाठ््यक्रमय् हे उकिया प्रबन्ध यायेत सहलह ब्याकूगु खः ।

उपप्रधानमन्त्री नापं शिक्षामन्त्री गोपालमान श्रेष्ठय अध्यक्षताय् च्वंगु बैठकय् उगु विषयय् सहलह जूगु व आः च्वनीगु बैठकय् उकिया ठोस निर्णय जुइगु मन्त्रालयया सहप्रवक्ता सरस्वती पोखरेलं जानकारी बियादिल । माध्यमिक शिक्षा परीक्षा झिगू तगिं तक लागू जूगु अक्षरांकन पद्दतिइ सी ग्रेडतक प्राप्त याइपिं विद्यार्थीं विषय स्वयाः झिंछगू तगि भर्ना जुइदइ । वय्कलं स्थानीय तहपाखें वा परीक्षा नियन्त्रण ज्याकू गुगु निकायपाखें उगु कक्षाया परीक्षा संचालन यायेबलय् सान्दर्भिक जुइ धइगु विषयय् नं सहलह जूगु धयादिल ।

सम्बन्धित बुखँ

LEAVE YOUR COMMENTS