विश्वकप २०१८ फाइनल

अफगानिस्तानय् ७० प्रतिशत थासय् अझं तालिवान सक्रिय

अमेरिकी नेतृत्वया फौज अर्बौ डलर खर्च यानाः तालिबानतय्त लिनाछ्वयेत स्वःसां अफगानिस्तानया ७० प्रतिशत भूभागय् अझ नं तालिबानत खुल्ला रुपं सक्रिय जुयाच्वंगु सीदुगु दु । बिबिसीं याःगु छगू अनुन्धानय् तालिबानत अझं सक्रिय जुयाच्वंगु लुइकूगु खः ।महिनौ बिकाः याःगु थ्व अध्ययनं सन् २०१४ य् विदेशी फौजं अफगानिस्तान त्वःते धुंकाः तालिबान लडाकुया खतरा वा नियन्त्रण गुलि ल्याखं अप्वया वनाच्वंगु दु धयागु क्यंगु दु । तर अफगान सरकारं धाःसा थ्व प्रतिवेदन खण्डन याःगु दु ।

अफगान सरकारं फुक्क धयाथें क्षेत्रय् सरकारया हे नियन्त्रण दुगु दावी याःगु दु । सरकारं थःपिनिगु नियन्त्रण दु धकाः दावी याःसां अफगानिस्तानय् तालिबान व इस्लामिक स्टेटं जिम्मेवारी काःगु तःगू हे आक्रमणय् लानाः यक्व हे मनूतय् ज्यान वनाच्वंगु दु । बिबिसीं वंगु अगस्ट २३ निसें नोवेम्भर २१ तकया दुने अफगानिस्तानया फुक्क हे जिल्ला चाःहिलाः अनुसन्धान यानाः अनया सुरक्षा अवस्थाया दुर्लभ तस्बिर पित हःगु खः ।

उगु ई दुने लडाकुतय्सं याःगु आक्रमणया तस्बिर मुंकेगु निंतिं बिबिसीया संवाददातातय् छगू पुचलं अफगानिस्तानया ३९९ गुलिं जिल्लाया झिंनिसलं मल्याक स्रोतलिसे खँ ल्हाःगु खः । थ्यंमथ्यं डेढ करोड नागरिक अर्थात बछि जनसंख्या या त तालिवान नियन्त्रित क्षेत्रय् या त उमिगु खुल्ला उपस्थिति दुगु व नियमित आक्रमण यानाच्वंगु थासय् च्वनाच्वंगु थुगु अनुसन्धानं लुइकूगु खः ।

सम्बन्धित बुखँ

LEAVE YOUR COMMENTS