विश्वकप २०१८

बुढीगण्डकीयात ९४ अर्ब बीगु तयारी

येँ – सरकारं बुढीगण्डकी जलविद्युत आयोजनायात ९४ अर्ब तका बीगु तयारी जूगु दु । आयोजना दयेकेगु निंतिं ध्यबा मगाःगुलिं ऊर्जा मन्त्रालयं मन्त्रिपरिषदय् प्रस्ताव यंकेगु तयारी याःगु दु । उपप्रधान लिसें ऊर्जामन्त्री कमल थापां वइगु मन्त्रिपरिषदया बैठकय् यंकेगु जानकारी बियादीगु दु । वय्कलं आयोजना न्ह्यःने न्ह्याकेत सरकार तयार दुगु खँ कनादिसें ध्यबा मुंकेगु निंतिं सरकारं ज्या न्ह्याकेगु खँ धयादीगु खः ।

राष्ट्रिय योजना आयोगया उपाध्यक्ष डा. स्वर्णिम वाग्लेया संयोजकत्वय् नीस्वंगु समितिया प्रतिवेदन नं मन्त्रिपरिषदया बैठकं पारित यायेगु खँ नं वय्कलं कनादीगु दु । अथेहे नेपाल विद्युत प्राधिकरणया कार्यकारी निर्देशक कुलमान घिसिङं बुढीगण्डकी आयोजना दयेकेत मगाःगु ९४ अर्ब ध्यबा व समितिं बिउगु प्रतिवेदन मन्त्रिपरिषदं पारित जुइधुंकाः जक आयोजनाया ज्या न्ह्याइगु खँ कनेवं मन्त्री थापां मगाःगु ध्यबा व समितिया प्रतिवेदन मन्त्रिपरिषदं तत्काल पारित याकेगु प्रतिवद्धता प्वंकूगु खः ।

थ्व आयोजना दयेकेत २ खर्ब ५९ अर्ब ३० तका तुइगु अनुमान याःगु दु । समितिं सरकारं वार्षिक रुपय् बजेट विनियोजन व पेट्रोलियम करपाखें १ खर्ब ६० अर्ब तका मुंके फइगु प्रतिवेदनय् न्ह्यथनातःगु दु । अथेहे नेपाल विद्युत प्राधिकरणपाखें २० अर्ब, सञ्चयकोषं ३० निसें ५० अर्ब, नागरिक लगानी कोषं ३० निसें ४० अर्ब, नेपाल टेलिकमं १५ निसें २० अर्ब, राष्ट्रिय बीमा संस्थानं १० निसें २० अर्ब, चिलिमे जवविद्युत, सर्वसाधारण व माथिल्लो तामाकोशीपाखें आयोजनायात माक्वः ध्यबा मुंकेफइगु खँ धाःगु दु ।

सम्बन्धित बुखँ

LEAVE YOUR COMMENTS