फुल्चोकी तनाच्वंम्ह मचा अर्धचेत अवस्थाय् लुल

बीएण्डबी अस्पतालय् उपचार यायेत हल

वंगु न्हय्न्हु न्ह्यव निसें फुल्चोकी डाँडाय् तनाच्वंम्ह मचा लुइकूगु दु । जोन तामाङ नांया झिंन्हय्दँया उम्ह मचा छवाः न्ह्यव स्कुलं फुल्चोकी हाइकिङ वंबलय् तंगु खः । वयात फुल्चोकीया जंगलय् हे लुइकूगु खँ धाःगु दु । वयात थौं सनिलय् बीएण्डबी अस्पतालय् वासः यायेत हःगु दु ।

थौं हाइकिङय् हे वंपिं मेपिं छथ्वः मनूतय्सं जोनयात लुइकूगु खः । जंगल वयात खनेवं हाइकिङ वंपिंसं हे वयात उद्धार यायेत स्वःगु खः । तर अन वने मफयेवं प्रहरीयात खबर याःगु खः । फुलचोकी डेढ घण्टा न्यासि वनेधुंकाः जक व अर्धचेत अवस्थाय् च्वनाच्वंथाय् प्रहरी थ्यंगु खः ।

चिकित्सक सहित वंगु डिएसपि विनोद सिलवाल टिमं वयात उद्धार याःगु खः । बहनी साढे ७ बजे पाखे जक प्रहरी पहाडया खोंचय् वनाः वयात उद्धार याःगु खः । उबलय् व नयेमखना व ख्वाउँया अर्धचेत अवस्थाय् लानाच्वंगु खः ।
प्रहरीं जंगलया तसकं खतरा थासय् वयात उद्धार यानागु खँ धाःगु दु ।

यल थसिया अजय शिक्षा सदनया कक्षा ६ या मेपिं मस्त व प्रिन्सिपल नापं हाइकिङय् वंम्ह जोन वंगु बिहिवाः तंगु खः । जोन तनेवं प्रहरी व थःथितिपिंसं व्यापाक रुपं माःसां वयात लुइके मफयाच्वंगु खः । प्रिन्सिपल नापं वंसां लिहां वयेबलय् सतिगु थासं वनेगु धकाः जोन व मेपिं प्यम्ह न्याम्ह पासापिं प्रिन्सिललया पुचःयात त्वःताः मेगु लँपु जुयावंगु खः ।

किपा साभार – कान्तिपुर

सम्बन्धित बुखँ

LEAVE YOUR COMMENTS