रसुवागढीया ७० प्रतिशत ज्या क्वचाल

येँ – रसुवागढी हाइड्रो पावरया ७० प्रतिशत ज्या क्वचायेधुंकूगु खँ धाःगु दु । आयोजनाया ४ हजार २ सय मिटर सुरुङ म्हुइगु ज्या क्वचायेधुंकूगु दु । बाँधया लिसें मेगु पूर्वाधारया ज्या धाःसा न्ह्यानाच्वंगु दु । आयोजनाया कथं वइगु झिंच्यालाया दुने आयोजना दयेके ज्या क्वचाइ । वइगु २०७६ साल फागुन ७ गते तक मत उत्पादन यायेगु आज्जु तयातःगु दु ।

आयोजना दयेकेगु ज्या चाइना वाटर एन्ड इलेक्ट्रिसिटी कर्पोरेशन (सीडब्ल्युइं) यानाच्वंगु दु । अथेहे इलेक्ट्रो मेकानिकलया ज्या भारतया भ्वाइथ हाइड्रो लिमिटेडं यानाच्वंगु दु । आयोजना दयेकेगु निंतिं निर्माण अवधिया ब्याज बाहके १३ अर्ब ६८ करोड तुइगु खँ धाःगु दु । थ्वहे झ्वलय् आयोजनांं २५ प्रतिशत आईपीओ जारी यायेगु तयारी यानाच्वंगु दु ।

आयोजना १ अर्ब ७१ करोड ५ लाख तकाया आईपीओ निष्काशन यायेत्यंगु खः । आईपीओ निष्काशन यायेगु निंतिं आयोजनां घितोपत्र बोर्डय निवेदन बीधुंकूगु दु ।

सम्बन्धित बुखँ

LEAVE YOUR COMMENTS