विश्वकप २०१८

थ्रीस्टार आहा गोल्डकपया सेमीफाइनलय्

रुस्लान थ्रीस्टार फुटबल क्लब पोखराय् न्ह्यानाच्वंगु झिंखुक्वःगु आहा रारा गोल्डकप फुटबलया सेमीफाइनलय् दुहां वंगु दु । थौं जूगु कासाय् थ्रीस्टारं विभागीय फुटबल टीम सशस्त्र प्रहरीया एपीएफ क्लबयात ट्राइब्रेकरय् ५–३ गोलं बुकाः सेमीफाइनलय् थाय् सुरक्षित याःगु खः ।
निर्धारित ईया कासा गोलरहित बराबरीइ क्वचायेवं कासा अतिरिक्त ईपाखे न्ह्याःगु खः । तर उगु इलय् नं निगुलिं टीमं गोल याये मफयेवं कासाया निर्णय ट्राइब्रेकरपाखें जूगु खः ।
ट्राइब्रेकरय् एपीएफया छगू प्रहारयात थ्रीस्टारया गोलरक्षकं असफल याना बिउगु खःसा कासाया म्यान अफ द म्याच एपीएफया नवीन लामा जुल ।
सहारा क्लब पोखराया ग्वसालय् जुयाच्वंगु कासाया लिपांगु क्वाटरफाइनल कासा मेगु विभागीय टीम नेपाल पुलिस क्लब व मनाङ मस्र्याङ्दी दथुइ कन्हय् जुइ । कासाय् विजेतां ७ लाख तका लिसें ट्रफी प्राप्त याइ ।

सम्बन्धित बुखँ

LEAVE YOUR COMMENTS