विश्वकप २०१८

जनबहालय् सेक्युरिटी गार्डया हत्या

येँ – थनया जनबहाः असं लागाय् चान्हय् गार्ड कथं च्वनाच्वंम्ह छम्ह सेक्युरिटी गार्डयात स्यानातःगु लूगु दु । तुलबहादुर तामाङ नांया ५३ दँया उम्ह सुरक्षागार्डयात जःगु हतियारं छ्यनय् व जँय् तियाः स्यानातःगु खः ।

वंगु चान्हय् १ बजेपाखे ड्युटी हे च्वनाच्वंगु अवस्थाय् जनबहालय् वयात बेहोस अवस्थाय् खनेवं प्रहरीं उपचारया निंतिं वीर अस्पताल ट्रमा सेन्टर यंकूगु खः । अस्पतालय् यंकूगु बाघौति लिपा हे तामाङ मदुगु खः । यक्व हि बहाः वनाः सीगु खँ अस्पतालं धाःगु दु ।

प्रहरीं अस्पताल यंकूबलय् वयागु छ्यनं व जँयाथाय् बांमलाक घाः लानाच्वंगु खः । अनं हे तसकं हि बहाः वंगु खँ धाःगु दु ।
प्रहरी आः सिसिटिभी फुटेज स्वयाः वयात स्याःपिं मालाच्वंगु दु ।

सम्बन्धित बुखँ

LEAVE YOUR COMMENTS