दकलय् ज्याथम्ह गुरिल्ला मन्त

एजेन्सी- संसारया दकलय् ज्याथम्ह गोरिल्ला म्हिगः मन्त । ६० दँ थ्यनेधुंकूम्ह भिला नांया थ्व मिसाम्ह गोरिल्ला सन् १९७५ य् कंगोय् बूगु खः ।
क्यालिफोर्नियाया सेन डियागो जू सफारी पार्कय् भिला सीगु खः । थ्व गोरिल्लां थःगु जीवंकाःछि यानाः न्यागू पुस्ता तक स्वयेखंगु खः । गुरिल्ला सीबलय् वया परिवारपिंसं वयात घेरे यानातःगु खः ।

क्यालिफोर्नियाया सफारी पार्कय् जनवारतय् हेरबिचाः याइम्ह पेगी सेक्स्टनं धाःगु दु, ‘तसकं म्हो जक गोरिल्ला थुलिमछि दँ म्वाइ । अप्वःथें गोरिल्लातय् उमेर धयागु ३५ निसें ४० दँ जक खः ।’
पार्कय् स्तनधारी जीवतय् हेरबिचाः याइम्ह रेन्डी रिचेजं धाःगु दु, ‘भिलाया कमी सकसितं महसुस जुइ । सकलें दर्शकपिं, स्वयंसेवक, कर्मचारीतय्त भिलाया कमी महसुस जुइ ।’

सम्बन्धित बुखँ

LEAVE YOUR COMMENTS