शैक्षिक व आर्थिक उन्नतिइ तिबः

यल – ‘शैक्षिक व आर्थिक उन्नतिया प्रवद्र्धन, प्रविधियुक्त कृषि हस्तकला व पर्यटन’ धयागु नारा बियाः ज्यापु समाजया गुक्वःगु तःमुँज्या व नीन्याक्वःगु दँ मुँज्या न्ह्याःगु दु । शनिवाः छगू तःजिगु समारोहया दथुइ यलया चाबहालय् प्रधानमन्त्री केपी ओलीं समाजया तःमुँज्या उलेज्या यानादिल ।

थ्व झ्वलय् वय्कलं ज्यापु समाजया भवनय् तयेगु शिलापत्रया उलेज्या नं यानादिल । ज्याझ्वलय् समाजया रजत महोत्सवया लसताय् पिदंगु लुमन्ति पौ, स्व. काजीलाल स्मृति ग्रन्थ, ज्यापु टेलिफोन डायरी, ज्यापु समाज बारे दयेकातःगु डकुमेन्ट्री नं मूपाहां लिसें पाहांपिंसं चिखि फ्यनेज्या याःगु खः ।

ज्याझ्वलय् थुगुसी एसइइ परीक्षाय् दकलय् अप्वः ल्याः हःपिं मय्जु सेरिला महर्जन व भाजु आर्यन महर्जनयात नं हनेज्या यासें वय्कःपिंत काष्ठमण्डप एशिया इन्टरनेशनल प्रालिया प्रमुख सचित आचार्यपाखें स्लेट कम्प्यूटर छगः छगः लःल्हाःगु खः । अथेहे समाजयात
थीथी कथं ग्वाहालि यानादीपिं, समाजया तदर्थ समितिया पदाधिकारीपिंत नं हनेज्या याःगु खः ।

ज्याझ्वलय् प्रदेश नं. ३ या मुख्यमन्त्री डोरमणि पौडेल, येँ महानगरपालिकाया मेयर चिरिबाबु महर्जन लिसें जनप्रतिनिधिपिं पाहां कथं झायादीगु खः । समाजया तःमुँज्या थौं तक न्ह्याइ । थौं बन्द सत्रं न्हूगु नेतृत्व ल्यइगु ज्याझ्वः दु ।

सम्बन्धित बुखँ

LEAVE YOUR COMMENTS