पुनर्निर्माणया कर्मचारीत भ्रमणय् अप्वः

येँ – तःभुखाय् ब्वःगु दँ दँ दयेधुंकलं नं जनताया छेँ तकं दने मखनाच्वंगु इलय् भुखाय् पीडितया लागिं धकाः गठन याःगु राष्ट्रिय पुनर्निर्माण प्राधिकरणया आपालं कर्मचारीत धाःसा विदेश भ्रमणय् जक वनाः चाःहिलाच्वंगु खँ सीदुगु दु ।थौंकन्हय् नं प्राधिकरणया आपालं कर्मचारीत क्षमता अभिवृद्धि व सीप विकासया नामं विदेश भ्रमणय् वनाच्वंगु दु । थथे विदेश भ्रमण वंगु वापत उमित थीथी कथंया भत्ता व सुविधा समेत प्राधिकरणं बीगु यानातःगु दु ।भुखाय् लिपाया पुनर्निर्माणय् ग्वाहालि याये धकाः वयाच्वंगु जाइका व युनेस्कोया ब्वनाय् वनेमाःगु धासें आपालं कर्मचारीत विदेश भ्रमणय् वनाच्वंगु खः ।

उपिं क्षमता अभिवृद्धि व सीप स्यना कायेगु लागिं विदेश वनागु धाःसां अप्वः यानाः छगू निगू सेमिनारय् ब्वति कयाः चाःहिलाः हे जक लिहां वयेगु यानाच्वंगु खँ धाःगु दु । प्राधिकरणया वर्तमान सीईओ युवराज भुषालं धाःसां थ्व भ्रमणया कार्यक्रम फुक्क थः वये न्ह्यः हे ‘फिक्स’ जुयाच्वंगु जुयाः थम्हं छ्वयागु मखु धकाः पन्छे जुयादिल । २०७२ सालया तःभुखाचय् लानाः ५ लाख छेँ क्षतिग्रस्त जूगु खःसां आः ९३ हजार खा छेँ जक दने सिधःगु दुसा मेपिं ७० हजार खा छेँ दनेगु ज्या जुयाच्वंगु तथ्यांक दु ।

सम्बन्धित बुखँ

LEAVE YOUR COMMENTS