विश्वकप २०१८

ल्हुति ताँ लिक्कं सीम्ह लुल

थनया ल्हुति तां चःमति जुयाः शोभाभगवति वनेगु लँय् खुसिया लखय् दुनाच्वंगु अवस्थाय् छम्ह मनूया सीम्ह लुइकूगु दु । खुसि सिथय् ल्वहंया पःखाः दनातःगु थासं भचा च्वय् छ्यं जक लखय् दुना च्वंगु अवस्थाय् थौं सुथय् मस्तय्सं सीम्ह खंकूगु खः ।
थौं सुथय् करिब ११ बजेपाखे मस्त म्हिताच्वंगु इलय् इमिसं खंकूगु खः । छ्यं छगः जक लखय् दुनाच्वंगु व म्ह धाःसा लखं पिने हे लानाच्वंगु अवस्थाय् खंकूगु सीम्ह लिकायेत यंकूगु निगः डोजर नं खुसिइ तुं फँसे जूगुलिं ३ बजे तक नं सीम्ह लिकाये फयाच्वंगु मदुनि ।
घटनाया प्रकृति स्वयेबलय् उम्ह मनू निन्हु स्वन्हु न्ह्यः सीगु खयेमाः धइगु अनुमान याःगु दु । वयात स्यानाः वांछ्वयातःगु खःसा मेथाय् स्यानाः अन हयाः वांछवये हःगु अथवा थः हे कुतुं वनाः सीगु धइगु बारे धाःसा छुं सी मदुनि ।
सीम्ह लिकायेगु निंतिं ३ बजेतक नं कुतः जुयाच्वंगु दु ।

सम्बन्धित बुखँ

LEAVE YOUR COMMENTS