प्वाथय् दुम्ह मन्त्री साइकल गयाः अस्पताल वन

न्युजिल्यान्डया छम्ह मन्त्ती जुली आन गेन्टर थः मचा बुइकेगु निंतिं प्वाथय् दुगु अवस्थाय् हे साइकल गयाः अस्पताल भर्ना जुयादीगु दु । साइकलप्रेमी ग्रिन पार्टीया सांसद गेन्टर साइकल गयाः छेँय् नं छगू किलोमिटर तापाकच्वंगु अकल्यान्ड सिटी अस्पतालय् वनाः भर्ना जुयादीगु खः ।

सामाजिक सञ्जाल इन्स्टाग्रामय् साइकलसहित तस्बिर छपाः पोस्ट यासें मन्त्री गेन्टरं च्वयातःगु दु, ‘जि व जिमि पार्टनर साइकलं हे अस्पताल वया, छुं समस्या मजुल ।’ गेन्टरया प्वाथय् दुगु ४२ वाः जुइधुंकूगु दु । वय्कः न्यूजिल्यान्डया महिला व यातायात मन्त्री खः । वय्कः दिगो यात्राया अभियन्त नं खः । सोमवाःतक वय्कःया मचा मबूनिगु खँ ग्रीन पार्टीया प्रवक्तां धाःगु दु ।

सम्बन्धित बुखँ

LEAVE YOUR COMMENTS