भुखाचं पीडिततय्त कयाः अन्तरक्रिया

ख्वप – ख्वप नगरपालिकाया व ट्रान्सपरेन्सी इन्टरनेशनल नेपालया मंकाः ग्वसालय् ख्वपया भुखाचं पीडिततय्त कयाः अन्तरक्रिया ज्याझ्वः जुल ।कृष्ण गोरा, वडा नं. २ या सचिव लक्ष्मीप्रसाद दुवाल, वडा नं ३ या सचिव विश्वराम सिंबन्जाः, वडा नं. ८या सचिव राजेश दिस्ती, वडा नं. १०या सचिव गोविन्दराम थुसा, वडा निरीक्षक रामकृष्ण प्रजापति व रामेश्वर कोजूपिंसं थःथःगु धारणा तयादीगु खः ।

राष्ट्रिय पुनःनिर्माण प्राधिकरण ख्वपया प्रमुख ध्रुव गैरें सम्बन्धित जनप्रतिनिधि लगायत सरोकारवालातय् खँ न्यने धुंकाः उकिया लिसः बियादीगु खः । उगु इलय् वय्कलं मंसिरतक गुनासो यायेगु ई बियाः निवेदन कायेगु व उकिया पुनः जाँच यायेधुंकाः आः नगरपालिकापाखें यायेमाःगु ज्या न्ह्यानाच्वंगु धयादिल ।

ख्वप नगरपालिकाया प्रमुख सुनील प्रजापतिया सभापतित्वय् जूगु ज्याझ्वलय् प्रमुख प्रशासकीय अधिकृत रोहितराज शर्मां लसकुस यानादीगु खःसा ज्याझ्वःया उद्देश्ययात कयाः जुनु ढकालं जानकारी बियादीगु खः । ख्वप नगरपालिकाय् जक ६,८८८ म्ह भुखाचं पीडित जूगुलिइ ५,४८२ म्हेसिनं जक अनुदान सम्झौता याःगु दु ।

नेपालभाषा टाइम्स

च्वमिया मेमेगु

• थुकथं न्ह्यात बोडेया म्ये प्वाः खनीगु जात्रा
• बिस्काःया झ्वलय् थिमिइ ‘सुथसिया याः’ न्यायेकल
• छायादेवीया जग्गा पुखू प्रमाणित
• पाहाँचःह्रे क्वचाल
• ताेखाय् बिस्काःया निंतिं यःसिं थन