लुम्बिनी विकास कोषय् सदस्यसचिव नियुक्ती कार्यान्वयन मयायेत सर्वोच्चया आदेश

येँ – सर्वोच्च अदालतं लुम्बिनी विकास कोषया सदस्यसचिव नियुक्त निर्णय कार्यान्वयन मयायेत सरकारया नामय् अन्तरिम आदेश जारी याःगु दु । सरकारं पाल्पाया प्रमुख जिल्ला अधिकारी विष्णुप्रसाद ढकालयात कोषया सदस्यसचिव नियुक्त याःगु खः । सर्वोच्च भदौ ७ गते तक निर्णय कार्यान्वयन मयायेत आदेश बिसें निगुलिं पक्षयात सहलह यायेत सःतूगु दु ।

प्रतिस्पर्धाया धलखय् मलाःम्ह मनूयात नियुक्त याःगु धासें अधिवक्ता शिव अर्यालं सर्वोच्चय् मुद्दा दर्ता याःगु दु ।

ढकालयात नियुक्तीयात कयाः आदिवासी जनजाति व बौद्ध समुदाययापिंसं नं विरोध याना वयाच्वंगु दु । गैरबौद्धयात लुम्बिनी विकास कोषय् नियुक्त याःगु धासें विरोध यानाच्वंगु खः ।

सम्बन्धित बुखँ

LEAVE YOUR COMMENTS