विद्युतीय सफूकुथिया विकासय् स्थानीय तह

किपू नगरपालिकां स्थानीयवासी व सामुदायिक विद्यालयया शैक्षिकस्तर अभिवृद्धि यायेगु उद्देश्यं विद्युतीय सफूकुथि (पुस्तकालय) विकास याइगु जूगु दु । नगरपालिकां स्थानीयवासी व सामुदायिक विद्यालयया विद्यार्थीयात लिपांगु क्रमय् विकास जूगु प्रविधिइ आवद्ध यानाः न्हू–न्हूगु ज्ञान उपलब्ध याकेगु नीतिकथं विद्युतीय सफुकुथि स्थापना यायेत्यंगु खः । विद्युतीय माध्यमं सपूmयात ब्वने ब्वने फइगु व्यवस्था यायेगु हे ‘विद्युतीय सफूकुथि’ खः ।

सूचना व प्रविधिलिसें आधुनिक समाजय् सफूकुथिइ अध्ययन, अनुसन्धान व ज्ञानया खोजं मनूया चेतनाय अभिवृद्धिलिसें सफलता प्राप्त याये फइ धइगु अवधारणां उगु सपूmकुथि स्थापना यायेत्यनागु नगरपालिकाया उपप्रमुख सरस्वति खड्कां कनादिल । बिना इन्टरनेटं नं ब्वने फइगु सफ्टवेयरया विकास जुइवं परम्परागत रुपं संचालन जुया वयाच्वंगु सपूmकुथिया विकल्पया रुपय् विद्युतीय सपूmकुथिया महत्व नं अप्वया वनाच्वंगु दु ।

सफ्टवेयरया माध्यमं कम्प्युटरय् सफूयात ‘डिजिटलाइज’ यायेधुंकाः अन दुगु दक्वं सपूmयात विद्युतीय सपूmकुथिइ वनाः अध्ययन याये फइगु जूगु दु । थज्याःगु सपूmकुथिइ अध्ययनया निंतिं सूचना प्रविधिया ज्ञान आवश्यक जुइ । विद्युतीय माध्यम (कम्प्युटर, ल्यापटप, मोबाइल) प्रयोग सम्बन्धी ज्ञां मदुपिं सर्वसाधारणं धाःसा विद्युतीय सपूmकुथिपाखें ज्ञान हासिल यायेत थाकुइ । विद्युतीय सपूmकुथिइ ब्वँमि थम्हं ब्वनेत इच्छा याःगु कुति, सफू व मेमेगु संग्रहया नां टाइप यायेवं सम्बन्धित सफू ब्वने फइ ।

थ्व सम्बन्धय् किपू नगरपालिकाया नकतिनि क्वचाःगु नगरसभां स्वयमसेवी शिक्षकया व्यवस्थासहित सपूmकुथि संचालन यायेगु व शैक्षिक केन्द्रया रुपय् किपू देय्यात म्हसीकेगु लगायत थीथी विषय अनुमोदन याःगु दु । चालु आर्थिक दँया न्हापांगु प्यलाया दुने हे उकथंया सफूकुथि संचालनय् हयेगु नगरपालिकां अठोट याःगु दु । सफूकुथिया विकास यानाः समुदाययात सचेत यायेगु उद्देश्यं आः वइगु भदौं १५ गते झिक्वःगु राष्ट्रिय पुस्तकालय दिवस न्यायेकेत्यंगु दु । दिवसय् ‘जीवनपर्यन्त शिक्षाया निंतिं छगू स्थानीय तह छगू नमूना सपूmकुथि’ धइगु मू नारा बियातःगु दु ।

छगू हे सफूयात नं यक्वसिनं ब्वने फइगु जूगुलिं थुकिया प्रयोग नं उकथं हे अप्वया वनाच्वंगु दु । ईया व्यवस्थापन यायेत अःपुइगु, सफूकुथि मालाच्वनेमालीगु झन्झट मजुइगु व गुगुं नं इलय् थम्हं ब्वनेत इच्छा याःगु सपूm विद्युतीय माध्यमं ब्वने फइगु जूगुलिं थुकिया प्रयोग अप्वया वनाच्वंगु खः । विद्युतीय सफूकुथिइ शिक्षक मदुसां नं विद्यार्थीं थःत माःगु विषयया सफू अःपुक मालाः अध्ययन याये फइ ।

शिक्षा मन्त्रालयया पुस्कालय शाखां थौंकन्हय् देय्या मेमेगु सामुदायिक विद्यालयय् नं विद्युतीय सफूकुथि स्थापनाया निंतिं प्रेरित यायेगु यानाच्वंगु दु । विद्युतीय सपूmकुथिइ सपूm, कृति तनीगु, खुया यंकीगु, गुइगु वा नष्ट जुइगु ग्याःचिकु मदइगु जूगुलिं नं थुकिया प्रयोग अप्वयेकेत स्थानीय विद्यालययात मन्त्रालयं प्रोत्साहन बीगु याना वयाच्वंगु दु । शिक्षा विभागं अज्याःगु सपूmकुथि संचालनया निंतिं आवश्यक कार्यविधि नं निर्माण यायेधुंकूगु दु ।

वि.सं. २००६ सालनिसें विद्युतीय सफूथि शुरु यायेधुंकाः साझा शिक्षा ‘ई’ पार्टीं आतकया दुने करिब २० द्वः सफू व प्यद्वः स्वास्थ्य शिक्षासम्बन्धी सफूयात भिडियो दयेकाः विद्युतीय सपूmकुथिइ दुथ्याके धुंगु ई पार्टीया प्रशासक टिकाराज कार्कीं जानकारी बियादिल ।
किपू नगरपालिका वडा नं २ या वडाअध्यक्ष रमेशमान डंगोलं दुर्लभ सफू व सर्वसाधारण पहुँचय् तक थ्यने मफुगु सफूयात डिजिटलाइज यानाः विद्युतीय सफूकुथिइ तयेमाःगु सुझाव बियादी । राष्ट्रिय संस्कृति निर्माणय् किपूया सभ्यता व संस्कृतिया विशेष महत्व दु धासें वय्कलं स्थानीय भाय्यात तकं मान्यता बियाः उगु सपूmकुथिइ दुथ्याकेगु जानकारी बियादिल । छक्वलं तःम्ह मनुखं छगू हे विषयवस्तुया सफूयात अध्ययन याये फइगु व पाठ््यसामग्रस्या अभाव मजुइगु जूगुलिं ग्रामिण क्षेत्रय् विद्युतीय सपूmकुथिया प्रभाव अप्वया वनाच्वंगु खनेदु । (रासस)

सम्बन्धित बुखँ

LEAVE YOUR COMMENTS