स्यःकै वंकेगु उपाय
मिसामचा जुइमा, मिजंमचा जुयमा, ल्यासे ल्याय्म्ह जुइगु शुरु जुलकि छ्यंगूया सेबसीओस ग्लायण्डस एक्टिभ जुयावइ, उकिं यानाः छ्यंगुलिइ यक्व चिकं कनावइ । थ्व चिकनं छ्यंगूया चिम्सँप्वाः तिनाबी । अले दुने ब्याक्टेरिया कारणं मना वयाः ख्वालय् स्यःके पिहां वइ । स्यःकैया इलय् हे बिचाः यायेमफुतकि ख्वाःया सुन्दरता स्यनी । उकिं थन स्यःकै वनीगु छुं छुं उपाय बियागु दु ।
नीहः ः नीहलय् एन्टिब्याक्टेरियल, एन्टि फंगल गुण दु । उकिं नीहःया पेस्ट दयेकादिसँ । अले उकी हलू ल्वाकछ्यानाः स्यःकै वःथाय् पानादिसँ । छवाःया दुने स्यःकै मदयावनी ।
लाभा ः लाभाय् अल्लीसिन व अज्याःगु सल्फर दुगु पदार्थ दु, गुगु छ्यंगूया इन्फेक्सनय् यक्व हे लाभकारी जू । लाभा निनाः ३० मिनेट तक ख्वालय् पानादिसँ । वयां लिपा ख्वाउँलखं ख्वाः सिलादिसँ ।
स्टीमिंग ः स्यःके वंकेत छि ख्वालय् बाफ नं बी फइ, गुकिं यानाः चिम्सँ प्वाः चालावयाः स्यःकैचय् दुगु टक्सिन्स पिहां वइ । बाफं ख्वाःया डर्ट व मृत छ्यंगूयात वंकेत नं ग्वाहालि याइ ।
मेवा, नवःघाँय्, धन्न्या व तुलसी ः स्यmकैया लागि छिं कचिगु मेवा, नवःघाँय्, धन्न्या व तुलसीया पेस्ट दयेकेफइ । थुगु पेस्ट ख्वालय्
बुलाः ३० मिनेट त्वःतादिसँ । वयां लिपा ख्वाउँलखं ख्वाः सिलादिसँ ।
कुनु ः कुनुलय् एन्टिफंगल व एन्टि ब्याक्टेरियल गुण दु, गुगु छ्यंगूया लागी एकदम हे बांलाः । कुनूया ख्वलाया तःलय् दइगु नायुगु भागं छिं थःगु ख्वालय् बांलाक ब्वब्वस्यानादिसँ । थुकिं छ्यंगू नं यचुपिचु धायावइ ।
गुलाफ स्वां ः गुलाफस्वां स्वांहः निनाः स्यःकै वःथाय् पायेगु यानाच्वन धाःसा स्यःकै याकनं हे मदयावनी । लिसें उकिया दाग नं ल्यनी मखु ।
हलू, श्रीखण्ड, बेसन ः थःगु ख्वालय् हलू, बेसन, श्रीखण्ड पाउडरय् पाउँगु धौ ल्वाकछ्यानाः ख्वालय् पानादिसँ । धौया ल्याक्टिक एसिड व हलू स्यःकै वंकेत यक्व हे ज्या वः ।
अम्बःया रस ः अम्बःया रस छ्यंगूया निंतिं रामवाण वासः खः । थुकिं स्यःकै जक वनीगु मखु, दाग नं वनी ।
समा नेवाः
LEAVE YOUR COMMENTS