इमरान खानं माफी फ्वने मालीगु

इस्लामावाद – पाकिस्तानया तहरिक–ए–इन्साफ पार्टी (पीटीआइ)या अध्यक्ष इमरान खानं प्रधानमन्त्रीया सपथ न्ह्यः माफी फ्वने मालीगु जूगु दु । पाकिस्तान चुनाव आयोगं पार्टीया अध्यक्ष खानयात लिखित रुपं माफी फ्वनेत धाःगु दु । आयोगं खानया वकिल बाबर अवानयात थौं शुक्रवाःतकया दुने लिखित रुपं खानया हे ल्हाःचिं दुगु माफी पत्र दर्ता यायेत धाःगु खः ।

इमरान खानयात चुनावी अभियानया झ्वलय् विपक्षी दलया नेता विरुद्ध अभद्र भाषा प्रयोग याःगु, हिंसा ब्वलनीकथंया भाषण बिउगु व चुनावी आचार संहिता हाचां गाःगु धकाः लानाच्वंगु मामिलाय् चुनाव आयोगं उकथं लिखित रुपं हे माफी फ्वनेत धाःगु खः ।

चुनावय् आचारसंहिता हाचां गाःगु धइगु द्वपनय् खानलिसें मौलाना फजलुर, सरदार सादिक व परवेज खटकयात वंगु विहीवाः आयोगं ख्याच्वः बियाः सचेत याःगु खः । मुख्य चुनाव आयुक्त सरदार मोहम्मद रजां प्यम्हेसित नं आवंलिं अज्याःगु भाषण मबीत नं कडा रुपं ख्याच्वःबिसें सचेत याःगु दु ।

आयोगं लिखित माफी फ्वनेत धाःपिं मध्ये पुलांम्ह सभामुख सादिक, खैबर पख्तुनख्वाःया पूर्व मुख्यमन्त्री खटक व फजलं लिखित माफी फ्वंगु खः ।

सम्बन्धित बुखँ

LEAVE YOUR COMMENTS