सा‍ंसदयात पेस्ताेल ताके याःगु काण्डय् ७५ म्ह ज्वन

येँ- सांसद निरु पालयात पेस्तोल क्यनाः धम्की बिउगु विषयसं प्रहरीं अनुसन्धान न्ह्याकूगु दु । अनुसन्धानया झ्वलय् प्रहरीं येँ थीथी थासं ७५ म्हेसित नियन्त्रणय् कयाः न्यनेकने याःगु दु । घटनाय् दुथ्याःपिं मालेगु निंतिं प्रहरीं चय्म्ह सादा पोशाकया प्रहरी परिचालन यायेधुनागु खँ धाःगु दु ।

थुगु ज्याया निंतिं वानेश्वर प्रहरी वृत्तया डीएसपी गोविन्दराज काफ्ले व महानगरीय प्रहरी परिसर येँया सादा पोशाकया प्रहरी निरीक्षक अनिल ठकुरी खटे जुयाच्वंगु प्रहरीं धाःगु दु । घटनाया अनुसन्धानया निंतिं एसएसपी विश्वराज पोखरेल थःहे बिहीवाः वानेश्वर वृत्तय् वःगु दु ।

साउन १५ गते बहनी ८ बजे नेपाल कम्युनिष्ट पार्टीया सांसद निरु पालयात येँया वानेश्वरय् म्हमसिउपिं मनूतय्सं सांघातिक आक्रमण लिसें पेस्तोल क्यनाः धम्की बिउगु खः ।

सम्बन्धित बुखँ

LEAVE YOUR COMMENTS