विश्वकप २०१८

फागुनं अन्तर्राष्ट्रिय व्यापार मेला

येँ – नेपाल उद्योग वाणिज्य महासंघया ग्वसालय् वइगु फागुन महिनां अन्तर्राष्ट्रिय व्यापार मेला जुइगु जूगु दु । थ्वहे वइगु फागुन २४ गते निसें २८ गते तक येँय् याइगु जूगु दु । येँया भृकुटी मण्डपय् न्हय्न्हु तक न्ह्याइगु मेलाया बुकिङ धाःसा मंगलवाः निसें खुल्ला याःगु दु ।
नेपालय् अन्तर्राष्टि लगानी व प्रविधि आकर्षण यायेत लिसें स्वदेशी उत्पादनया अन्तर्राष्ट्रिय रुपं बजाः प्रद्र्धधन यानाः देय्या अर्थतन्त्रयात थकायेत ग्वहालि जुइ कथं मेलाया ग्वसा ग्वयागु खँ संघं धाःगु दु ।

मेलाया ग्वसा ग्वयेगु ज्याय् वाणिज्य मन्त्रालयं ग्वाहालि याइगु जूगु दुसा व्यापार तथा निकासी प्रद्र्धधन केन्द्रं प्रद्र्धधन याइगु जूगु दु ।
महासंघया कथं मेलाय् स्वदेशी व विदेशी लिसें सेवाया ३ सय स्वयां अप्वः स्टल दइ । मेलाया मू आकर्षण हस्तकलाया उत्पादन, एनटीआइएसया सामानत दइगु खँ धाःगु दु । मेलाया झ्वलय् अन्तर्राष्ट्रिय खरिदकर्तालिसे प्रत्यक्ष अन्र्तक्रिया यायेगु व्यवस्था नं जुइगु खँ धाःगु दु ।

मेलाय् हस्तकल, पर्यटन, सूचना प्रविधि लिसें व्यावसायिक सूचना, कृषि उत्पादन, ऊर्जा, भवन निर्माण सम्बन्धी स्टल दइ । अथेहे शिक्षा, वासः, नं व स्टिल, सवारी साधान लगायत बिस्कं बिस्कं स्टल दइगु ग्वसाः खलकं धाःगु दु । थीथी देशं वइपिं व्यापारिक प्रतिनिधि नापलायेगुया लिसें निगू पक्षीय व्यापार प्रद्र्धधन व लगानी बारे सहलह जुइगु उगु मेलाय् स्वदेशी व विदेशी यानाः २ लाख ग्राहकं स्वःवइगु अपेक्षा ग्वसाः खलकं याःगु दु ।

ग्वसाः खलःया कथं वंगु दँय् ग्वसाः ग्वःगु मेलाय् १ लाख स्वयां अप्वः स्वदेशी व विदेशीपिंसं मेलाया अवलोकन याःगु खः ।

सम्बन्धित बुखँ

LEAVE YOUR COMMENTS