नेपाः पार्टीया न्हापांगु हिदान ज्याझ्वः

येँ – नेपाः राष्ट्रिय पार्टी सांस्कृतिक व सामाजिक विभागया ग्वसालय् वंगु शनिवाः थनया बसन्तपू दबुलिइ छगू खुल्ला हिदान ज्याझ्वः जुल ।
पार्टीया सामाजिक क्रियाकलाप अन्तर्गत न्हापांखुसी जूगु हिदान ज्याझ्वः ताःलाकेत रेक्स सेक्युरिटी कम्पनीं प्रयोजन याःगु खःसा थीथी व्यक्ति व संघसंस्थां नं ग्वाहालि याःगु खः ।

विभागया संयोजक खगेस रंजितया संयोजकत्वय् जूगु हिदान ज्याझ्वलय् मुक्कं स्वीछम्हेसिनं हिदान यानादीगु खः । विभागया कजि रंजितं हे हिदान यानाः न्ह्याकूगु ज्याझ्वःया निंतिं नेपाल रेडक्रसया कर्मचारीतय्सं आवश्यक ग्वाहालि यानाीगु खः । हिदान यानादीपिंत पार्टीया नायः डा. विजयप्रकाश सैंजू व पार्टीया वरिष्ठ नेता सुवर्णकेशरी चित्रकारं मंकाःकथं दसिपौ लःल्हानादीगु खः ।

थ्व हे झ्वलय् रेक्स फेसन होमया ग्वसालय् जूगु मिस एसइइ व मिस्टर नेशनलया उपाधि त्याकादीपिं नापं सहभागितय्त नं दसिपौ लःल्हाःगु खः । पार्टीया विभागं बिउगु छगू जानकारीकथं विभागं प्रत्येक प्यलाय् छक्वः बसन्तपू दबुलिइ हे उकथं हिदान ज्याझ्वः याना यंकीगु जूगु दु ।

सम्बन्धित बुखँ

LEAVE YOUR COMMENTS