हजार्डयात हयेगु कुतलय् म्याड्रिड

एजेन्सी- रियल म्याड्रिडं चेल्सीया स्टार मिडफिल्डर इडेन हजार्डयात क्लबय् हयेगु कुतः यानाच्वंगु दु । म्याड्रिडं थुकिया निंतिं चेल्सीयात १७० मिलियन पाउण्डया प्रस्ताव तःगु खँ धाःगु दु । चेल्सीं धाःसा म्याड्रिडया प्रस्ताव स्वीकार यानाच्वंगु मदुनि । थः स्टार कासामि क्रिस्टियानो रोनाल्डो इटलीयन क्लब युभेन्ट्स वंगुलिं म्याड्रिड बांलाःम्ह कासामि क्लबय् दुत हयेत हथाय् चायाच्वंगु दु ।

यदि हजार्ड १७० मिलियनं म्याड्रिड वल धाःसा व नेयमार धुंकाः दकलय् थिकेम्ह कासामि जुइ । नेयमारयात २०० मिलियन पाउण्ड पुलाः फ्रान्सया पिएसजीं बार्सिलोनां न्यानायंकूगु खः ।

मेखे चेल्सी नं हजार्डलिसे न्हूगु सम्झौता यायते स्वयाच्वंगु दु । सन् २०१२ निसें चेल्सीं म्हिताच्वंम्ह हजार्डया इच्छा धाःसा चेल्सी त्वःताः म्याड्रिड हे वनेगु दु ।

म्याड्रिडं चेल्सीया मेम्ह कासामि गोलकिपर थिबाउट कोर्टियसयात नं थःथाय् हयेत स्वयाच्वंगु दु । हजार्ड व कोर्टियस निम्ह बेल्जियमया कासामि खः । निम्हेसिनं वंगु विश्वकपय् उत्कृष्ट प्रदर्शन याःगु खः ।

सम्बन्धित बुखँ

LEAVE YOUR COMMENTS